Uwak, Old people & Suicide

Way back 2012 mag babalik tanaw ako sa mga naranasan ko sa taong ito. Gusto ko lang malaman kung may makakapagsabi kung anong ibig sabihin nung mga naranasan ko.

I

Ipinanganak at lumaki ako sa Pampanga, sa bahay na kinalakihan ko may apat na kwarto pero walang mga kisame at bawat kwarto ay mayroong malaking siwang kaya ang pader na humahati sa mga kwarto ay hindi aabot mismo sa bubong. (Gets niyo ba? Haha)

At dahil ganoon ang set-up ng bahay namin, kapag bukas ang ilaw sa kwarto nina tita, maliwanag din ang kwarto namin ni kuya.

Gabi na noon, nagkukwentahan si kuya at si tita sa mga benta ng loading station sa kwarto ni tita, naiwan ako sa kwarto namin ni kuya. Napansin ko na may parang lumilipad na uwak sa may itaas ng pader paikot ikot lang at kapag sinasabi ko kina tita (naririnig din nila kapag malakas ang boses sa kabilang kwarto) na may uwak wala daw silang nakikita. Ilang beses ko silang sinabihan kapag nasa may banda nila yung uwak pero hindi pa rin nila ito nakikita.

II

After the uwak incident, ilang weeks ang lumipas, isang gabi nagkukwentuhan kami ng kuya ko, nakahiga ako sa bed ko habang si kuya naman nakaupo. Sa kalagitnaan ng pag uusap namin napatingin ako sa itaas napatulala ako ng makita ko na may mga “black n white” (parang sa larawan noong kapanahunan ng mga lolo at lola natin) na tao na nakatayo mismo sa may bandang tiyan ko. Nakalutang ang mga paa. May matandang lalaki, dalaga, at mga bata. Sa aking pagkakatanda nasa sampo sila. Nakatingin sa aking mga mata hindi nakangiti hindi rin galit. Walang emosyon ang tingin. Poker face. Naalala ko din nung mga panahon na yun na hindi ako natatakot sa kanila. Sinabi ko kay kuya ng hindi inaalis ang tingin sa kanila, “kuya may nakikita ako na mga tao, nakatingin sila sakin, nakikita mo ba?” Sinagot ako ni kuya na wala daw siyang nakikitang nakatayo na tao kinilabutan siya at sinabing baka daw naghahallucinate lang ako dahil nga una nakakakita ako ng uwak at ngayon naman ay ito.

III

Months after nung uwak at mga nakalutang na tao incident. Nagkaroon ako ng three consecutive dreams. Isang gabi nagising ako na takot na takot. Napanaginapan ko yung babae na kinitil ang sarili niyang buhay sa pamamagitan ng pagsukbit ng tali sa kanyang leeg. Nagsuicide. Nung magising ako nanginginig ako at sumigaw sa may bintana para marinig ng tita ko sa kabilang kwarto na tinatawag ko siya. Saka ko naalala na sa nakalipas na dalawang gabi, magkakasunod pala ang mga panaginip ko. Madalas nakakalimutan natin yung mga napapanaginipan natin pero may mga pagkakataon na natatandaan natin ito bigla.

1st nightmare, may kasama akong tatlong babae, mga edad late 30’s to early 40’s. Mukha silang maraming pinapasan na suliranin. Habang kasama ko yung dalawang ginang, may narinig kaming kumalabog parang nabasag na salamin, dalidali naming tinakbo ang kusina at doon nakita namin ang dahilan ng mga nabasag na salamin. Yung isa sa tatlong babae wala ng buhay nakasabit ang leeg sa tali at nabasag ang salamin nung lagayan ng mga plato dahil natandyakan niya habang nagpupumiglas.

2nd nightmare, nakita namin yung pangalawang babae na nakabikti na rin doon sa may shower room sa bahay. Wala ng buhay.

3rd nightmare, habang nakaupo ako sa trono at nag wee wee, hawak ko ang cellphone ko nakayuko habang nagbabasa, noong matapos ako sa pag weewee bubuksan ko na ang pinto pero parang may nakaharang, pag angat ko ng tingin nakita ko yung pangatlong babaeng kasama ko na nakasabit doon sa loob ng banyo namin, hindi ako makalabas sa banyo dahil nakaharang siya sa may pintuan nagsisisigaw ako kaya siguro ako nagising. At ayun na nga pag gising ko nanginginig at natatakot.

Noong gabing yun sinundo ako ng tita ko sa kwarto namin ni kuya, wala na sa bahay si kuya that time dahil nagtatrabaho na siya sa Manila. Hindi ako natulog noong araw na yon dahil sa takot ko na baka ako na ang susunod kapag natulog pa ako.

Sa tingin niyo, mayroon kaya itong nais ipahiwatig o sadyang mapaglaro lamang ang aking imahinasyon?