لما السلفي أثبتلي إن عائشة كانت 6سنين.. ساعتها عرفت إني كنت كافر ومش واخد بالي!

فاكر لما كنت بحاول أثبت إن عائشة كانت 18 سنة وقت الجواز؟ كنت بخش في مناقشات مع مسيحيين، وهما بيرموا الشبهة دي، رغم إن عندهم نفس القصة في كتبهم. لكن الصدمة ما كانتش منهم، الصدمة كانت لما واحد سلفي أثبت لي بالأدلة إنها كانت 6 سنين واتجوزها النبي وهي عندها 9، والأغرب إنه كان متقبل الموضوع تمامًا وكأنه عادي جدًا. كنت حتى بستخدم سن أختها أسماء كدليل على إنها كانت أكبر، لكن لقيته بيرد عليَّ بالأحاديث والتفاسير وبيثبت العكس، ولما حاولت أشكك، قالها لي صريحة: ‘اللي بيكذب الحديث يبقى كافر.’ ساعتها وقفت وسألت نفسي: ليه أنا بحاول أثبت حاجة هما أصلاً مش شايفين إنها محتاجة إثبات؟