حط نصيحه من ناحيه خبراتك في الحياه ممكن تفيد غيرك (مش بهزر)

حط نصيحه من تجربه حصلت معاك ف شغل أو دراسه أو في الحياه اليوميه عادي المهم تكون حاجه اتعلمت منها ومحدش يسخر من اي كومنت بعد اذنكم احنا هنا بنحاول نفيد بعض عشان معظم الكلام هنا بيكون عن حاجات مش بتفيد حد أو كلام هلس قليل اوي لمه بلاقي حاجه هادفه ف ارجو من الكل المشاركه بدون تردد ايا كان النصيحه ايه وانا هبتدي اول واحد و هقول نصيحه عباره عن ٢٥ سنه الدنيا بتتنافس معايا في خيبات الامل في كل شي وكل الناس اول نصيحه ابعد عن المخدرات دي مش حل ثانيا ابعد عن النسوان و انتم فاهمين قصدي كويس ثالثا بقا و دا الأهم ثقتك في نفسك اهم من كل اللي فات متخليش حد ابدا يكسر عزيمتك بجد الإنسان من غير امل عباره عن جسد بلا روح متفقدش الامل مهما كان يسطا طول ما لسه بتتنفس معني كده أن لسه في فرصه عشان تتغير و تبطل عادتك السيئه و خليك فاكر يا صديقي عدوك الاول هوا انتا عدوك الثاني هوا الشيطان عدوك التالت هوا الناس لا تفقد الامل و ثق بالله ثم في نفسك و مهما كان اللي نفسك فيه هتلاقيه (مش بتاع تنميه بشريه ولا حاجه عشان محدش يتريق بس انا حرفيا في الحضيض و اكتئاب شديد مش عايز اشوف حد حاسس باللي انا فيه أو يكون مكسور كده حرام بجد ما اتمناهاش ولا لعدو ولا لحبيب) اتمنا تكونوا بخير يا شباب نفسيا و جسديا و من نجاح لي نجاح كلنا أن شاء الله.. و سيبكم من الخمسه دراما دول وكل واحد يحط نصيحته بدون تردد لعلها تفيد حد تاني..