كل ما اجي اخذ حقي اهلي يأنبون ضميري!

اليوم جيت اطلب من موقع توصيل ، وبعد ساعه من الطلب ظهر لي المندوب اخيرًا بالتطبيق

ارسلت للمندوب اللوكيشن بالضبط في قوقل ماب و ارسلت له صور توضيحيه بس المندوب طول الوقت يقعد يتشكى ويقول انا ماخذ الذلب اجباري ومكانك بعيد ( بيتي عن المطعم مع الزحمه يوصل بس ١٣دقيقه!) والمندوب كل شوي يهاوش بالواتس وين البيت وين مدري وش ويقعد يعدي الطريق الي فيه البيت كل شوي ومرات ياخذ يوتيرن من غير سبب ويصور لي اماكن غلط وبعيده عن الي بالموقع! وطفشني حرفيًا وصارلي حدود الساعه انتظره يوصل لي الطلب مع اني وصيته ابغى الطلب يوصل وهو حار ( فيه لحم) وللاسف وصل لي الطلب بعد ما جاب لي القولون مع غبائه واسلوبه المستفز ، باااااارد مره

جيت اشتيكت عليه على خدمه العملاء ان فيه مندوب يقعد يتعمد انه يضيع الطريق اكثر من مره مع انه وااضح مره المكان والصور ارسلت له و الموقع وكل شيء بس يقعد يستغبي على راسي ومجدول علي وفوق ذا يقول انا ماخذ الطلب اجباري! بس قلت لهم انا مسامحته بس الاسلوب هذا ما عجبني ومستفز وبس ابغى ابلغ عنه لان اخر لي الطلب بشكل متعمد

فجأه دق علي المندوب وهنا اهلي عرفوا اني اشتكيت عنه وقاموا يوتروني وليش اشتكيتي عنه ومدري ايش وبتقطعين رزقه و بلاب بلاب بلاب!

وضحت لهم ان اصلًا التطبيق بكبره ما دق علي ولا اخذ بشكاوي او ارسلوا لي شيء بخصوص الشكوى

بس صراحه موقف اهلي رافع ضغطي لان سبق وصارت لي موقف كمان بأيام التدريب كان المدير المباشر علي اجنبي ( من جنسيه عربيه) ودايم كلامه كان مره sexual وتكلمت معاه ان الاسلوب هذا ماهو احترافي و ياليت يكون بينا حدود ولما عرفوا اهلي قامو يقولون لي ليتك سكتي ليش قلتي له هالكلام الحين ماراح يوظفك ( وبالفعل ما وظفني بس ليش اخسر سمعتي او اكون السهله عنده عشان كم ريال؟)

وبس والله حبيت افضفض وابغى اشوف ارائكم يمكن انا قاعده اظلم اهلي ؟ لان مو طبيعي يبغوني دايم اسكت عن حقي وما ادافع عنه بحجه فكي نفسك عن المشاكل