دخلت علم الاجتماع من باب ابن خلدون… ولسه مش لاقية الباب للخروج ...

أنا دخلت سكة علم الاجتماع ببراءة شديدة… قلت: "أهو نقرأ حاجة مفيدة، نوسّع أفقنا، نعمل فيها ناس مثقفة" وقعت في إيدي مقدمة ابن خلدون… وقلت لنفسي: "إيه يعني، كتاب قديم شوية، بس مش هيعضني!"

بس من أول كام صفحة، حسّيت إن دماغي بيتطبّخ عالبخار، الراجل بيتكلم عن الدولة، والناس، والعمران، والنفس، .

كل ما أغوص أكتر، ألاقي نفسي بتسحب… كل حاجة حواليا بقيت غريبة: ليه الناس بتهرب من الحقيقة؟ ليه الفقر مش عيب شخصي بل نتيجة نظام؟ وليه دايمًا فيه ناس فوق وناس تحت؟ وبدأت أشوف كل حاجة بـ"نظارة اجتماعية" حتى شاي النعناع بقى بالنسبة لي "رمز طبقي"

علم الاجتماع خلاني أبطل أقول "الناس غريبة" وبدأت أقول: "المجتمع مركّب ومليان أسباب" بس بيني وبينكم؟ أوقات بحنّ للغباء النعناعي اللي كنت عايشة فيه قبل!