شاب يهودي ساعد أمي

قبل سنة ونص تقريبا كانت امي رايحة تزور خالتي بحيفا وكنت وقتها بالجامعة راحت بالباص زي دايما وكانت لحالها

بعد ما وصلت لمحطة همفراتس وهي طالعة من الباص زلقت على الدرج المعدني ونزلت عالارض بقوة ركبتها اتضررت وما قدرت توقف اللي كانوا حوليها حسب كلامها مروا بسرعة اغلبهم بعرفوش عربي ولا هي قدرت توصلهم صوتها من الوجع

اللي وقف شاب يهودي يمكن عمره ستة وعشرين او سبعة وعشرين لابس عادي مش عسكري بس باين عليه مستعجل رجع لورا وساعدها توقف وقعدها ع جنب سألها بالانجليزية اذا محتاجة اسعاف ولما شافها مترددة اتصل هو بنفسه واستنى معها لبين ما وصل الاسعاف

امي ما كانت تقدر تتواصل كتير بس قالتله شكرا بالعربية وهو رد عليها بعبرية بسيطة حكول بسيدر كله تمام

اللي صدمني مش بس مساعدته الصدمة كانت من نظرة امي وهي بتحكيلي قالتلي كنت متخيلة لو حدا من شبابنا ساعدني مش هو بس سبحان الله الخير مش بطاقة هوية

ومن يومها بلشت اراجع حالي مش لاني بدي اغير موقفي السياسي ولا انسى اللي بصير حوالينا بس لانه لاول مرة حسيت انه الانسان ممكن يكون اوسع من القصة اللي بنحكيها عنه

يمكن لازم ابلش افرق بين النظام وبين الناس