حتى شبيحة الاسد العلويين مرحب فين بدولة الشرع!

كل يوم بيوصلني اسم لحدا علوي -و للعلم انا علوي- كان شبيح حرامي عند شي فرع امن انو زبط امورو مع شلة الشرع و صار منن و فين, ناس زبالة بكل معنى الكلمة, عم احكي عاصنص شبيحة, ناس بتدين بالفايدة, بتشتغل بالقمار, بالدعارة, تهريب ملبس وخلافه, تاريخها عبارة عن كتابة تقارير وذل للعالم... وبنفس الوقت بعرف ضباط دفاع جوي دارسين 4 و 5 سنين و خادمين فوق ال 10 سنين, و طالعين من الموت 2 و3 مرات هني و عم يقاتلو الاسرائيلي بالمواجهة يلي حرقن فيها بشار, عم يدورو على لقمة الخبز, هو ناس بعمرن ما اذو حدا ولا كانو اصلا بموضع فين ياذو حدا, ناس من اهم خبرات البلد, مع هيك لانن علويين ممنوع حتى ينعطو تعويض نهاية خدمة, يا سيدي هي شلنا فكرة يرجعو للخدمة! و لا بسمع ناس اهالي شهداء من الدفاع الجوي استشهدو بغارات اسرائيلية عم ينطردو من وظائفن وتتوقف تعويضات ولادن بلا اي مراعاة! هي بس مثال انو مو كل اصابع ايدك متل بعض!
جابو الشبيح العلوي اصنص الفلول و حطوه بللجان و ابعرف شو, و قتلو الدكتور العلوي و طردو الناس يلي عندها خبرة بس لانن علويين بحجة انن فلول! في اقذر من هيك؟
اليوم وصلني واحد واحد من اكبر شبيحة مدينتي عساحل, المشهور بتشليح البيوت ايام معلمو ماهر, كان فارش مناسف مع امنين الهيئة و ورش مصاري عولاد بحارتو ليطلعو مظاهرة تهتف للشرع! تفه