تعلقت بواحده و مش عارف ارجع لطبيعتى

كنت بحب واحده من اربع ينين و كان كل امنيتى انى اعرف اتكلم معاها و اعرفها انى بحبها و ارتبط بيها و كنت بحبها وهى مش عارفه و بتخيل سيناريوهات بقا و كنت علطول بفكر فيها .... عرفت اتواصل معاها و نتكلم من سنه و نص و كنت فرحان اوى ، هى تخش تكلمنى و بتاع و نهزر مع بعض كل دا وانا لسه معترفتش بحبى لها بس علشان تتعود عليا .... واحده واحده بقت تاخد عليا و نتكلم كتير فشخ و كنت حاسس ان مشاعرها بتتحرك نحيتى و كانت بتلمح من بعيد و كدا مش متأكد بس افعالها بتقول كدا و كلامها و ساعات بلاقيها متوتره فى الكلام ساعات لما بنتكلم عن توبك معين و كل شويه بيقولى عايزه اقولك حاجه و متقولش و كدا ... المهم انا لما اتكلمت معاها حسيت انى بنيت شخصيه خياليه لها فى دماغى غير اللى بتكلمنى و ادركت اننا مينفعش لبعض و مش فاهمين بعض اوى و مش مناسبين مش عارف الله اعلم يمكن انا مشتت دلوقتي او مش عارف احدد بالظبط بس المهم انى لما عرفتها كويس حبى ليها قل شويه و اعتقد انها كدا علشان تصرفاتى اخر ايام و بالءات انى مشتت و لحد دلوقتي معترفتش لها بحبى و بطلنا كلام اخر فتره.. مش قادر

المشكله انى متعلق بالشخصيه اللى انا راسمها لها من اربع سنين و كل شويه اتخيل سيناريوهات بالشخصية القديمة و لما يكون عندى اكتئاب اتخيلها جنبى و مش كدا و بس انا كنت متعود ادعيلها و اعيط عليها كمان و ادعى ربنا تكون من نصيبى غير انها نفس مواصفات فتاه احلامى جسمانيا بس عقليا او الشخصية غير و حتى غير شخصيتى على الاقل بجد انا تعبت و مشتت مش عارف اعمل ايه و جالى اكتئاب من كدا

معلش طولت بس من كتر الاكتئاب حاسس انى لازم افضفض يمكن استريح شويه