أشتغل كمحلل أعمال من 10 سنوات، ودي أصير مدير منتج

أنا أشتغل كمحلل أعمال في القطاع الصحي من أكثر من 10 سنوات، شفت أنواع المشاريع والأنظمة والتحليلات، وأعرف كيف أحول متطلبات المستخدم لحلول تقنية. لكن الفترة الأخيرة صرت مهتم كثير بإدارة المنتجات، خصوصًا المنتجات الرقمية. بدأت أقرأ وأتابع وأقارن، ولاحظت: • الفرق بين دور المحلل ومدير المنتج أكبر مما توقعت • مدير المنتج لازم يكون عنده رؤية مو بس متطلبات • اتخاذ القرار في المنتج يعتمد كثير على فهم السوق والمستخدم، مو بس أصحاب المصلحة • فيه توازن صعب بين التقنية، تجربة المستخدم، والأهداف التجارية

اللي أحاول أتعلمه الآن هو: كيف أطور نفسي في هذا المجال؟ وش الشهادات أو المهارات اللي فعلاً تساعد؟ هل تنصحون بـ CSPO أو PSPO؟ وش المهارة اللي فعلاً فرقت معكم لما بدأتوا في إدارة المنتجات؟

حاب أسمع من اللي جربوا هالانتقال، أو حتى من اللي يشتغلون كـ Product Managers حالياً: وش أكثر شي تتمنون لو عرفتموه قبل تبدأون؟