مذكره كاتب تعيس ٢

(كيف بتكون لما العالم يمشي عكس مزاجك) اغنيه سمعتها قبل اكتب اول شي جا في بالي امزح ثاني شي هو السؤال الصدقي كيف بكون 

لو العالم يمشي زي مزاجي؟ هل بوصل غايتي؟ هل بكون سعيده؟ اقرب شي يطري على بالي هو الجامعه كنت احسب المشكله بضغط 

الجامعه  من درجاتي الي ما تجي بالساهل و خلصت الجامعه و بدت العطله و وصلت لكل شي كنت احلف انه بيسعدني لو تحقق و تحقق و طلعت انا المشكله… اليوم كان عباره عن اليوم ما بعد العاصفه الكل حذر يخاف ترجع رياح العاصفه و اولها موضوع السلسال هل مفروض اني سكت؟ اكيد حاولت ارجع السلسال لاختي بس ما رضت و خلت ماما ترجعه لي عشان ما تقابلني الكل حذر… يا خوف من الحذر يصير شي ابدي هل بقعد كل عمري ادور على الحل في علاقتي مع اختي؟ استحي اقول تعبت لاني السبب في هلاك علاقتنا ،بديت افقد الامل ان فيه حل اصلا اخاف نكبر على بعدنا هذا، الكل يقول تكبرون و تصلح علاقتكم لكن اخاف كلامهم ما يصير واقعنا احس الي بينا ثلج سميك و بركان يستنى يثور في اي لحظه.

غرفتها خطوات عن غرفتي لكن احس بينا مسافات طويله هالمسافه تزيد ما عمري شفتها تقل…اخاف علاقتنا تصير اخت صغيره تحترم اختها الكبيره و بس لانها كبرت و عرفت ان هذا الي مفروض تسويه لكن مو علاقة اخوات صدق. دايم اغار من علاقتها باختي الثانيه بس ما يحق لي ابدا تعاملها بطريقة غيري كليا ما الومها لو قربت منها اكثر مين يتحملني اصلا اتمنى اكون مصدر امان لها مو لازم تظهر حبها لي او اهتماماو حتى تحبني صدق ابي اكون مصدر امان لها بس لو تصير مصيبه تحس يمديها تعتمد علي بس حتى هذا فشلت فيه…

آه و كم من آه في صدري…

احس اني خنت ثقه بابا الله يرحمه فيني بسبب علاقتي باختي احس اني قاعده احزن بنيته قطعه من قلبه 

و احسني العب دور الضحيه او هي تفكر فيني كذا احس صارت تخاف مني احس اني بركان

يستنى يثور على اي خطأ…احس يمكن ما تفهم نيتي الصدقيه او الاكيد لاني خذلتها كثير

الحين تراودني فكره متى اخر مره صدقتني؟  متى اخر مره خذلتها الي وصلتها لكذا؟متى حطتني في البلاك ليست؟متى استوعبت

اني ما استاهل ثقتها؟متى صار هالجرح قريب او من زمان…؟

عذري الوحيد اني طفله وقتها و ليت ما عندي عذر عشان اعيش بعذاب اكثر…شفتوا قلت لكم دور الضحيه!

نظرات اهلي لي بعض المرات لما اقول بعض الاشياء اتمنى اموت ولا اشوفها لاني ما اقدر انسى النظرات 

و لان العيون تحكي كل شي. يمكن لو انا مو في حياتهم كانت حياتهم اسهل فيها هدوء اكثر لعلي عبء على الي احبهم

كرهي لنفسي وصل عنان السماء ههههههههههههههههه الله يعين.