لسه مفتقد الإكس

عدي وقت كثير من ساعة ما سبنا بعض (فضلت متربسة دماغها ما تتصالحش و أنا كنت جبت أخري) و مش قادر أنساها من وقتها لسه بتوحشني مع إن دي مش طبيعتي طبيعتي لو حد بعد عني شوية بنسي. الموضوع بوخ و الواحد مضطر يقرص علي نفسه لحد ما الفترة دي من حياته تعدي بس الناس كلهم كالحين بشكل غريب مع إن فيه ناس كثير حواليا علاقتي بيهم كويسة أهل و صحاب بس هي كانت حنينة بغض النظر عن علاقتنا نفسها و كانت بتهون عليا باقي الناس كلهم ردودهم و طريقتهم أسمج من بعض و فيه منهم اللي دمه تقيل بس مضطر أعصر علي نفسي لمون و أعدي الدنيا.