تنبيه ياجماعة الخير: تراه صب وليس سب

كثير وأنا أتمشى في ريديت يطلع لي واحد يقول: "شفتوا سب السعودية..." أو "سب القيمنق فيه كذا وكذا..."

وادخل وراسي منتفخ، ابي أشوف من اللي جالس يسب... وبالأخير يطلع يقصد sub 🤦‍♂️🤦‍♂️🤦‍♂️

يا جماعة الخير، حرف الـ(S) إذا جا بعده (U) يصير نطقه قريب من الصاد، لأن الـ(U) يضيف تفخيم، فتصير "صب" أقرب للنطق الصحيح من "سب".

وفوق إنها أصح لغويًّا، استخدام "صبريديت" يختصر علينا كثير من التوضيحات وسوء الفهم والهوشات اللي ما لها داعي.

فخلونا ندبر الشر، ونلتزم بـ"صب" بدل "سب"، عشان نفهم بعض بوضوح، ونوفّر على انفسنا صداع ما له لزوم.