لو مكانه هتعمل اية ؟

فتحت عينك فجاه و اخدت نفس عميق و كانك كنت بتغرق كلك عرق و دماغك مصدعة جدا و مش فاكر اي حاجة تماما، حاسس بدوار بس عينك شايفة كويس اوي و بصرك حاد و حواليك هدوء مرعب و واحدة واحدة بدأت تسمع دقات عقارب الساعة و صوت التلاجة. الأوضة مفيهاش إضاءة لكن انت شايف كل حاجة ، كل حاجة لونها اصفر دافي . اه دي إضاءة عمدان النور الي برا في الشارع .
باب اوضتك مفتوح و بتبص حواليك كل حاجة مكانها بس انت حاسس ان فيه حاجة غلط. حاسس ان كل حاجة اتغيرت بس مش قادر تعرف اي الي اتغير.

بدأت تاخد اول خطوة . انت مش حاسس بجسمك بس قادر تتحرك حاسس جسمك خفيف. لا خفيف ذيادة عن اللازم بدات تتحرك ناحية باب اوضتك و خرجت الصالة و بدأت تحس بالهوا اللطيف الي بيلمس جسمك العرقان و بتسال نفسك ، ما الجو حلو هو امال انا عرقان كدا لية و فجاه أدركت انك عطشان جدا جدا و بتلف علشان تروح المطبخ و فجاه تتخشب مكانك و قلبك يدق دقة خوف عمرها ماحصلتلك و بؤبؤ عينك يوسع جدا.

عينك وقعت علي باب شقتك المفتوح و انت متاكد انك قافلة مليون في المية. عقلك بيحاول ينكر دا بس عينك بتاكده.

قولي اول حاجة هتعملها اي؟