بوست طويل تقدر تعمل سكيب لو معندكش وقت تقرأه

النهارده روحت صليت الفجر في الجامع بعد غياب لفترة طويلة ( الحمد لله) المهم لأول مرة من فترة كبيره اصلي وميجيليش افكار الحاديه رغم إن الصلاة كانت طويله بس بقالي كتير قوي بتجيلي افكار الحاديه وانا بصلي المره دي كنت مركز في الصلاه ودماغي مكانتش وجعاني من كتر الأفكار الالحادية اللي كانت بتجيلي ( الحمد لله ) ،،،، برضو قلبي حاسه كان تقيل مش عارف لية بس مخدتش في بالي واتمشيت شوية حلوين بعد الصلاة ،، هم مش شويه هم شويتين يعني أمي هزأتني لما روحت علشان تقريباً فضلت فوق الساعه برة البيت فضلت اتمشى وطبعاً كنت حاطط السماعه علشان مش عايز اسيب نفسي لدماغي

المهم انا حاسس اني مرتاح،،، بقالي كتير قوي محستش بالراحه دي

آسف على الاطاله الفكرة إني حبيت احكي حاجة حصلتلي لإني مش متعود اني احكي