للتبنى
الأسم: بطاطس/Tuxedo
السن: سنتين
التطعيمات:  كل التطعيمات واخدها بتاريخ 2/3/2025.

مساء الخير يا جماعة، أنا محتاج مساعدة ضروري لقطتي.

هو حالياً عنده فطريات جلدية ومشكلة متكررة في ودانه بتخليه يهرش فيها كتير لحد ما بتتحوّل لجروح. حاولت أعالجه كذا مرة وأهتم بيه، لكن للأسف أنا مش عايش في نفس المكان اللي هو فيه، والشخص اللي بيهتم بيه دلوقتي مش ملتزم بالتعليمات الأساسية، زي إنه يقفل البلكونة، رغم إني قلت له كذا مرة، وده بيعرّض القط لخطر وبيخلي حالته أسوأ.

أنا مش هسيبه، ومش هاتخلى عنه. أنا ملتزم تمامًا إني أدفع كل مصاريف علاجه ورعايته، زي:

زيارات الدكتور البيطري

علاج الفطريات ( هو قطع مسافة  كبيرة فى رحلة العلاج و قرب يتشفى بس للأسف فى أحتمال كبير اوى أنها ترجع تانى لو فضل يطلع فى البلكونة كتير)

 (مشكلة الودان اتحلت بس برضوا الدكتور قالى من الأفضل أنوا يفضل Indoor و يأخد تطعيم الحشرات بشكل دورى بدون تاخير طالما هيفضل فى مكان مش نظيف)

الشاور العلاجي

الأكل والرمل

(هو بيتعالج فى Happy pets مدينة نصر)

كل اللي محتاجه دلوقتي هو مكان آمن وثابت يقدر يعيش فيه لحد ما يتحسن. حتى لو استضافة مؤقتة، دي هاتفرق معاه جدًا.

هو قطة طيب وحنين، بس تعبان ومحتاج فرصة يتعالج صح.

المكان: يفضل مدينة نصر

للتبنى او الرعاية المؤقتة