بصارحكم في علاقتي الغريبة مع صديقي!

انا ولد عمري 27 ولد، وعندي ميول للرجال، المهم، بيني وبين شخص صداقة من ايام الجامعة، وعلاقتنا غريبه شوي، يعني قريبين من بعض بس بشوي رسمية شيء غريب.

ومستحيل كنت افكر فيه بمنظور يتعدى منظور الصداقة حرفيًا، ولكن لاحظت الايام الاخيرة بديت اشعر تجاهه بمشاعر غريبه، ودايم اذا طلع معي يقول انا ارتاح معك اذا طلعت وانبسط واخذ راحتي في الكلام ويقول دايم اذا بطلع معك احاول تكون طلعتنا لحالنا، وادري وواثق ان نيته زينه وهو يعني مو راعي سوالف وقلبه طيب.

الشيء الغريب ان كلامه لامسني وحسيت اني بديت افكر فيه بمنظور يختلف عن منظور الصداقة، مع العلم ان علاقتنا نظيفة جدًا! وهو يتوقع مني شيء نظيف وينظر فيني اني شخص مجتهد ومحترم ومرتب فانا اعتقد انه معجب فيني من هذا المنظور النظيف مو نفس منظوري.

ولكن انا مبتلى بالميول ولا تخيلت يوم من الايام احس بتجاهه مشاعر غريبه ومختلطة، لدرجة يوم نزلته بيتهم سلم علي بيده وحسيت بسلامه حنيه وادري نيته نظيفه بس انا ماني قادر اوقف تفكير.

وفي نفس الوقت زعلان عليه وعلى نفسي لانه ما يدري عن شخصيتي الحقيقة وكل الي يشوفه الظاهر والخافي اعظم💔💔

انا ما اعتقد اني شخص منافق او سيء، وفيه اشياء مو في ارادتنا ولا نقدر نتحكم فيها، وقاعد احاول اصير من المجتهدين واقاوم مشاعر الميول الي فيني الا اني كثير من الأحيان افشل لاني ادري ان ماله حل لان مقدر ازوج الا اني اتعايش او اتقبل هذه المشاعر!!!