الحب الحقيقي بقي مشكله؟

انا بجد عايز اعرف هو اني احب بجد ومن كل قلبي ويمكن احب الشخص دا اكتر من نفسي كمان دا غلط؟!, لأن بجد الحوار بقي اوڤر اوي ومتعب جدا ، عمري ف حياتي م كلمت بنت عشان مثلا اتسلا او عايز منها حاجه غلط ، كل اللي كنت بكون طالبه يكون ف حب واهتمام زي اللي بقدمهم ويمكن اقل كمان، وكان بيبقي في كدا فعلا اول فتره بس برضو ف الاخر الواحد مش فاهم ايه اللي بيحصل كأن حد او شيطان بيقولوهم لا دا بيحبك بجد وبيخاف عليكي وبيهتم وعايزك ف الحلال ابعدي عنه بسرعه وفعلا بجد دا اللي بيحصل بيبعدو ، عندي صحابي بيعملو كل حاجه وحشه مع البنات ولا حب ولا تقدير ولا اي حاجه عدله وفعلا لامؤخده ف الكلمه بيكونو كلاب تحت رجليهم وانا مش كدا ولا عمري ف حياتي مهما حصل هبقي كدا انا افضل اني اكسر قلبي عادي بس مكسرش قلب حد عشان فعلا دا اوحش و اوجع حاجه ممكن تحصل للواحد

كل اللي بتمناه دلوقتي يريت يكون فيه حب بجد اتقو ربنا بلاش تدمرو بعض بلاش تخشو ف علاقه مش قدها او حد ناوي يخلع ف الاخر ملهوش لزوم والله دا بيرجع ع ناس تانيه ملهاش ذنب بجد

اتمني من كل بنت لما تلاقي اللي بيحبها وبيهتم بيها وبيخاف عليها تديلو فرصه لحد الاخر وانا متأكد انو عمره مهيخذلك بس انتي خليكي واقفه جنبو ❤️

واتمني من كل ولد لما يلاقي بنت عطيتلو فرصه وفتحتلو قلبها ميخذلهاش انت راجل خليك قد كلامك ومتبعدش عنها ❤️