امسحو الاغاني بتاعتي بعد ما اموت ، هعتزل قريب

اعتراضي ابدا مش على قرار اعتزالهم ولا انهم شايفين الموسيقى حرام

لكن مش الموسيقى دي الي عملتكم و خلتكم معاكم فلوس بعد ما كان اغلبكم حالته المادية والاجتماعية مش احسن حاجة ودا شئ لا يعيبكم ، ولكن هل بعد ما الموسيقى عملتك هتيجي تقول استغفر الله حرام امسحو الاغاني وانا هبطل و تروح تفتح مشروع ولا تعيش بالملايين الي عملتها من نفس المجال ازاي ؟

مش المفروض دي كانت خطوة وحشه و ذنب عملته وبتتراجع عنه وتتوب ، ليه مبيتراجعوش عنه انهم يستغنو عن كل الفلوس ويتبرعو بيها و حتى دي فيها خازوق انهم هياكلو الناس من فلوس حرام ، و يرجعو زي قبل ما يبدأو ؟ مش معنى ان الموسيقى حرام ف الفلوس الي جايه منها حرام و الأكل الي بتاكله لبيتك اكل من مال حرام ؟

كأن مثلا عملت فلوس من المخدرات وقولت هتوب ، مش المفروض طلاما هتوب مصرفش من الفلوس دي ؟ ولا في غسيل أموال بصورة شرعية اني احطها ف مشروع و ابطل شغل الحرام و كدة ابقا باكل من المشروع ؟