الراجل الغيور و مراته الديوثة

كونسبت موجود كتير اوي في المجتمع المصري و الحقيقة عمري ما فهمته.

ليه الناس مش بتبص على خيانة الراجل لمراته انها مصيبة!؟

و على الناحية التانية خيانة الست لجوزها تعتبر كارثة و لازم يحصل فيها طلاق و انا مع ده طبعا علشان محدش غبي يفهم غلط.

مش بقول أن المجتمع شايف خيانة الراجل صح بس الفكرة أن المجتمع شايفها مشكلة قابلة للنقاش و ممكن نوصل لحل و ممكن الخيانة دي تعدي و الجوازة تكمل و نرجع زي الاول.

كلنا تقريبا شوفنا جملة من واحدة ست بتقول أن جوزها بتاع حريم و هي مش عارفة تتصرف فيه ازاي. اللي هو معندكيش كسم كرامة يعني ولا ايه مش فاهم!!

محدش قبل كدة شاف مثلا راجل بيقول مراتي بتجري ورا الرجالة مستحيل راجل يقول كدة و لو فكر يقول كدة هيتفشخ لانه المفروض بيغير عليها و عنده كرامة.

هل الستات معندهاش كرامة و غيرة زي الرجالة ولا ايه طيب!!؟

شوفت فيديو لشيخ واحدة بترن عليه بتقول انها انفصلت عن جوزها لانه بيكلم بنات راح قالها لو بينكم اولاد حاولي ترجعي لو هو ربنا تاب عليه و احترم نفسه. هل لو العكس كان حصل كان الشيخ هيقول للراجل ارجع لمراتك اللي بتكلم رجالة!! مستحيلل و ده المنطقي.

دايما في الافلام و المسلسلات بتظهر خيانة الراجل كحاجة ينفع يتعمل عليها كوميديا و نهزر فيها.

ليه ازدواجية المعايير الغريبة اللي عند الناس دي و الأغرب انك بتلاقي ستات عندها الازدواجية دي.

ليه بيتبص للزاني أنه احسن من الزانية و الخاين أنه احسن من الخاينة رغم ان الاتنين عقوبتهم في الدين واحدة.