ابوي مانعني اشتري بيت رغم انه عندي المبلغ الكافي

السلام عليكم

انا رجال توفت والدتي الله يرحمها، والحمدلله ورثت منها مبلغ يكفيني انه اشتري بيت، لو ازيد عليه ٧٠ الف مالت الحكومة

المبلغ الي عندي ما يكفيني اشتري قصر طبعا، بس بيت متواضع بمنطقة زينة بموقع مميز يناسب احتياجات اسرتي وهذا كافي الحمدلله

المشكلة ابوي يقول لا تشتري البيت وانطر بيت الحكومة اول شي اييلك بعدين اشتر بيت، رغم اني توني متزوج والكل يدري شكثر بيوت الحكومة تطول بالسنين

هذا غير انه ١-البنيان يهد الحيل من التكاليف ٢-انه المنطقة يمكن بعيده مو حلوة ٣-بقعد بايجار سنيين ٤-الفلوس الي عندي اليوم مستحيل تكفي سعر بيت بعد ٢٠-٢٥ سنة ٥-راح اخذ مكان شخص صج ناطر بيت ٥-يمكن تكون شقة حتى مو بعد بيت مع هالاوضاع

انا بيت الحكومة ما ابيه اذا بقعد كل هالسنين وفلوسي تتبخر بس المشكلة ابوي ما يفهم بالاقتصاد، عباله المبلغ الي عندي الحين راح يكفي اشتري فيه بيت بعد كل هالسنين وهالشي طبعا مستحيل البيوت الى الأبد متجهة للغلاء بالكويت

وكل اشكال التهديد يقول لي اذا سويتها يويلك وانت مو كفو مسؤوليه بيت لا تستهر بمستقبل عيالك