رياضة

انا بحب الرياضة جدًا، من وانا صغير وانا دايمًا بحب اجري واتحرك، ولعبت كورة في مليون أكاديمية. بس فجأة في لحظة كده استوعبت إن ده آخر الطريق، وإني مش هعرف أكمل ولا أوصل لفريق حقيقي. ولما لعبت في أكاديمية نادي الزمالك، تأكدت أكتر، كنت بلعب أحسن من ناس كتير، بس هما اللي كانوا بيتشافوا وبيوصلوا للفريق الأول، وأنا ولا كأني موجود… كل ده عشان عندهم واسطة وأنا لأ. قررت أبعد عن الكورة وأركز في دراستي، ودلوقتي فاضلي امتحان واحد وأخلص ثانوية عامة.

بس بجد، نفسي أرجع ألعب رياضة. كل ما أسأل أو أتكلم مع حد، يتقالّي إنك كبرت تبدأ رياضة جديدة من الصفر، وإن أقصى حاجة تعملها هي الجيم بس أنا مش بشوف إن الجيم ده رياضة أساسية، دي حاجة بتكمل الرياضة مش أكتر.

فـ لو في حد فعلاً عنده فكرة أو تجربة عن رياضة ممكن أبدأها من الصفر دلوقتي، ويكون ينفع أتطور فيها مع الوقت يا ريت يقولي.