Bakit kailangan pa ilagay yung pangalan ng mayor sa government card?

Napansin ko lang, sa Malabon may card ngayon under the Malabon Ahon program. Okay naman sana yung programa, pero andun nanaman yung pangalan ni Mayor Jeannie Sandoval. Naka-print pa talaga sa card.

Tanong ko lang: Kung pera ng taumbayan ang gamit, at para naman talaga sa mga tao yung serbisyo, bakit kailangan pa ng pangalan ng politiko sa mismong card?

Hindi lang naman ito sa Malabon. Halos lahat ng LGU, pare-pareho. May pangalan sa ambulansya, relief goods, notebooks, bigas, school supplies na parang lahat may “from mayor” o “from congressman.”

Honestly, parang lumalabo tuloy kung serbisyo ba talaga ito, o campaign promo. Public service dapat hindi kailangang may pangalan. Kung talagang para sa tao, sapat na ang city logo at program name. Hindi na kailangang i-remind kung sino ang nasa pwesto.

Minsan tuloy parang iniisip ng iba, “utang na loob ko ’to kay mayor,” kahit pera rin naman natin ang pinanggalingan.

Ano tingin niyo? Okay lang ba ’to kasi “tradisyon” na raw? O panahon na para itigil na ’tong ganitong style?