اعمل ايه قبل ما حد فينا ينهي حياته

خاطب بنت قريبتي من حوالي سنة ونص، في البداية انا شبه كنت مغصوب على الخطوبة، والدتها هي السبب في كل دا، لبستني مع ابوها وخلاص اتحطيت قدام الأمر الواقع، هي بتحبني حب هستيري وانا حاولت بكل الطرق ومش قادر احبها ابداً، قولتهالها صريحة كتير اني مش عارف احبها وانها لازم تشوف حياتها وهي مش قادرة تتفهم، حبها علميها لدرجة مش طبيعية، للاسف مش بايدي اني انهي الأمور، ابوها يُعتبر كبير عيلتنا وابويا رافض تماماً اني افركش لان دا هيخلق عداوة كبيرة ممكن توصل للدم. قولولي اعمل ايه عشان اخلص من الكابوس دا، انا مش هقضي حياتي كلها على حاجة كنت مغصوب عليها من البداية، انا احيانا من كتر ما حاسس اني محبوس ومش صاحب قراري بفكر اتخلص من حياتي كلها، وهي بتقولي انها هتموت نفسها لو بعدت عنها كمان، احنا الاتنين كبار مش صغيرين، انا ٣٠ وهي ٢٦