



الراجل ده اتخاض في عرضه واتشكك في رجولته عشان ساوى نفسه بمراته واستغرب ازاى ممكن راجل يتجوز اكتر من واحدة


طبعا مش هيتفق معاه غير بنت او ملحد او واحد على قده او جاهل والجهل مش عيب، كلنا جاهلين. وكل واحد معروف هو اتفق مع كلامه ليه. البنت هترفض عشان جواز الراجل من بنت كمان ممكن يهدد استقرار العلاقة وخصوصا ان البنات بتدور على الاستقرار سواء ماديا او معنويا، ومتفهم الموضوع ده خصوصا في الزمن اللي عايشين فيه ده.


 والملحد بيعادي كل ماهو ديني طبعا هيوافق على الديتنج و one week use والبنت تكون جربت مع خمسين واحد قبل ميستقروا بعدين. تعدد السكس والمجون مش تعدد الازواج. مع ان كل ده بيأدي في الاخر لفشل الحياة الزوجية حتى لو كان الراجل متجوز بنت واحدة بس.

انا شايف ان طبيعي يكون فيه تعدد زوجات سواء صدقت الدين او العلم، مش هتكلم بالدين عشان معظم الناس بتستنصح وبتشغل دماغها، فهتكلم بالعلم يمكن يطلعوا اذكية بيحبوا المنطق والعلم فعلا

تعدد الزوجات او polygyny فعل موجود في مخلوقات كتير مش البشر بس

اولا بتدعم بقاء الفصيلة (لو اعتبرتها غاية اسمى لو كنت ملحد بسيط)، الانثى بتستثمر اكتر بيولوجيا في الحمل والانجاب، والراجل بمجهود اقل ممكن يخلف. لو واحدة اتجوزت كزة واحد هتخلف واحد بس، انما الراجل هيخلف اكتر لو اتجوز اكتر. فالتعدد هيخلف اكتر وهيساهم للعيلة وبشرية اكتر

عقل المرأة مختلف عن الراجل تشريحيا وفسيولوجيا. الراجل بيميل للمنطق، الست للمشاعر. الست بتميل للاستقرار والانتماء لكيان واحد عشان الاستقرار. عرفنا ازاى؟ جسم الست بيفرز اوكسيتوسين، هرمون بيشتغل **للانتماء طويل المدى لشخص واحد** والحب وتقييم المخاطر لتقليلها. بيفرز بردو في الحاجات الامومية اللي مش بنلاقي مثيل ليها في الرجالة، زى الخوف الشديد عالطفل والرضاعة والحنين والرومانسيه الشديدة. وعشان كده في اغلب الاوقات البنت الطبيعية مش بتحب غير انسان واحد بس لو كان راجل ومسؤول بجد وحلو.

 انما الراجل بيفرز تيستستيرون، عدواني وعملي اكتر، بيساعدة على الارتقاء وتوفير الاستقرار والغنى لحياته، عشان ينافس اكتر في السوق لما يتقدملها، فالبنت تختار الاغنى الاذكى واللي هيقدر يوفرلها حياة كريمة. ده بيحصل حرفيا في الحيوانات، وبيحصل بصورة زيها في الانسان، تروح تتقدملها، هتعرف توفرلها استقرار هتقبلك. ودي اسمها parental investment theory، الراجل ينافس والست تكون selective.

ولو انت مش بتقرا ومش عايز تفهم تقدر تبص وتحلل اللي بيحصل حواليك بالفعل، مشوفناش في حياتنا بنت بتتقدم لراجل او بتدافع عنه. دي طبيعية الحياة شئت ام اميت


لو واحدة عددت وحملت محدش هيعرف الابن بتاع مين، ففرصة ان الازواج تنفق على الطفل وامه هتقل والاستقرار هيقل وحياته هتبوظ وده على السكيل الكبير هيدمر البشرية. انما العكس بيحصل في في تعدد الزوجات والاستقرار والثراء بيكون موجود. عشان كده اللي بيرمي عياله ومش بيصرف عليهم في مجتمعنا ده مش طبيعي، انسان مريض الحيوانات احسن منه. الطبيعي ان يموت نفسه عشانه ومراته. وده اسمه نقص رجولة، والرجولة درجات.

 ومن امثلة الرجولة الغيرة، طبيعي وده بنشوفه في مجتمعنا او حتى في المجتمعات الغربية اللي مازالت بخير منها، ان الغيرة موجودة اكتر عند الراجل بحكم مخه وهرموناته.

 الراجل عنده خوف وغيرة من sexual infidelity او خيانة زوجية جنسية من مراته. انما الست عندها خوف وغيرة من ال emotional infidelity او خيانة زوجية زى ان الاستقرار والحماية الزوج ميوفرهمش. وده مربط الفرس. مش بشجع تعدد الزوجات لو انت مش قدها، وللاسف في مجتمعنا كتير من اللي بيعدد في الاغلي بيكون مش لاقي ياكل، بل وبيخلف عيال اكتر، وده بيهدد استقرار البيت والعلاقة فحصل العقدة اللي عند البنات اللي بنشوفها في المجتمع، وده متفهم. انما لو هو غني وقوي، هيكون طبيعي ومقبول يعدد لو حب.

فمش صح ان راجل يتساوى بست، مش باب مين احسن لكن الاتنين مختلفين وكل واحد ليه ميزة. وصاحب البوست لو مفهمش معنى الرجولة بشكل كامل مش لازم يحكم ويقارن نفسه بست ويقول ان التعدد زى الخيانة. ولو هو مبسوط مش لازم يتجوز تاني، كل واحد حر والتعدد مش فرض.

مكتبتش كل ده عشان حد يقتنع، الانسان غبي بيختار الحكم ويستخدم المشاعر عشان يبرر الحكم ده، فاللي مقتنع بحاجة مش سهل يغيرها حتى لو رأيه بيتناقد مع حاجه موضوعية زى العلم. كتبته عشان اثبت لبعض الناس هم اغبية قد ايه، بيشغلوا دماغهم فبيعبطوا، ياريتهم كانوا قالوا سمعنا واطعنا زى ابسط انسان ولا كانوا غلطوا في حكمهم.

 لو حد عنده نقد منطقي او علمي للي انا قولته ممكن يقولي في الكومنتات، يمكن اكون غلطت فاغير نظرتي للموضوع. غير كده وهتعبط وتعيط وتضيع وقتنا فخلي رأيك لنفسك.

ده تلخيص بسيط اويي للاسباب العلمية الفسيولوجيا مش هقول التطورية لكن اللي بتدعم استقرار الحياة البشرية. تقدر تبحث اكتر بنفسك عن الاسس العلمية بشكل ادق او تفسيرات علوم الاجتماع 


ليه تعدد الأزواج مش طبيعي؟