ليش خايف تكون اقل من غيرك؟

دايم افكر ليش الواحد يحب يظهر انه شخصيه مستهلكة مواكبة ليش لازم يشتري سياره معينه ( بغض النظر عن الجودة ) او شنطة معينه . . يشترك بنادي معين.. اعتقد اغلب المشاكل تبدا من الخوف من الاختلاف, الخوف من الاستنقاص ..او يكونون اقل من غيرهم ظاهرياً مع ان الله سبحان وتعالى خلقنا مختلفين وطبقات بالفعل اذا الواحد ماديته وشكله واستطاعته اقل من المتوسطة ليش يضغط على نفسه بشكل مبالغ علشان يظهر نقيض هذا؟ ليش ما يتقبل اختلافه ونقصه بمعايير المجتمع ويتعايش معها

خوف الفرد( البعض) من انه يظهر اقل من غيره يوديه الى مسالك خاطئه من صرف مبالغ استهلاك مبالغ فوق طاقته , الى اتباع ترندات سخيفه .. الى ح البعض يكون غيور وحسود لانه مو راضي يكون احد احسن منه او مختلف عنه ..

سبحان الله يا زين الرضا بالواقع اياً كل هالمشاكل والعقد حلها بسيط ان الواحد يرضى بحاله الحمدلله ويحمد ربه

السؤال الاخير ليش خايف تكون اقل من غيرك؟ وش المشكلة تكون فلانة احلى منك وفلان اغنى منك وعلان عايش حياته وما الى ذلك. .وش المعايير ان حياتهم هي السعيدة حياتك هي الغلط ايش اللي حدد المعايير هذي؟