اختيار التخصص

بوست طويل شوي ممكن بس حاس اني محتارة بالتخصص اللي اختاره معدلي 98.2 وفعليا ما عندي اي رغبة لأي تخصص كخيار اول حاطة الطب بس المشكلة ما بطلعلي بالاردنية غالبا والتكنولوجيا بعيدة عن عمان كثير ومع مشوار الطريق يوميا ودراسة الطب حياتي حتنعدم غير هيك حاس اني غير مهتمة بنظام حياة الأطباء ما بتخيل اضل لل ٢٨ ادرس عشان ابدا اطلع مبلغ كويس وتبدأ حياتي من ناحية زواج وأولاد متأخر ونتضارب مع الوظيفة خاصة انه شخصيتي ما بتناسب مع خيار ترط الوظيفة والقعدة بالبيت بس بنفس الوقت عندي خوف شديد من اني اندم مستقبلا على اختيار مسار مختلف اقل منه

الخيار الثاني عندي طب الأسنان كثير تريح من ناحية الدراسة وطبيعة الوظائف بس بالمقابل فرص عمله قليله ومعرض للاشباع والأهم ما بحسه طموحي ما بعرف ليش بس ما بحسه بناسب شخصيتي بس برضو نفس الاشي خايفة اتركه واندم خاصة انه اريح واجلس من الطب وبقدر ادخله بالجامعة الاردنية

الخيار الثالث هو اي تخصص متعلق بالحاسب وخاصة تخصص هندسة الحاسوب فعليا ما عندي خلفية عنه انه الا اني بحب فكرته وبحسه مجال بعتمد على جهودك الفردية وابداعك وتميزك والدورات والتاسع بالتخصص وفرصة عمله بالخارج ما بحتاج خلفية مادية وفرصها اكبر بس بنفس الوقت خايفة الإقبال المتزايد عليه يشكل عائق خاصة اني كنت اطمح لمنحة بجامعة سمية وطلع ما في منح :) وغير هيك في حال اخترته لازم ادخل بحرب شديدة مع كل من حولي ومش عارفة اذا بستحق التضحية بخاف جدا من الندم مستقبلا