البوست دة هيبقى طويل شوية لكنه عبارة عن فضفضة اعتقد هتلمس ناس كتير فينا..انا بقالي يومين بس منزل ريديت بناء على ترشيح صاحبي اللي قالي سيبك من جروبات تلجرام اللي مليانة ناس بيئة و خش على ريديت هتلاقي مجتمع انضف..وحقيقي لا شك ان البيئة هنا مشجعة و خالية من الاحكام و فيه مساحة ان الواحد يعبر بحرية خصوصا انه مجهول الهوية..مبدأيا انا واحد خريج مدرسة اسلامية..عشت فترة طويلة صراع من ساعة مابلغت حوالي ٦ ٧ سنين كدة اني مش عايز اقابل حد عشان مغضبش ربنا..الموضوع بدأ بصور اونلاين بعدها فيديوهات بعدها مكالمات لحد ما وصلت للفيديو كولز و قعدت في الphase دي فترة..بعدها وانا ١٩ سنة كدة الشيطان وسوسلي و قالي فرقت ايه مكالمة فيديو من انك تقابل واحد عالحقيقة..و فعلا سمعت كلامه و قررت اقابل بس سوفت عشان معملش هارد و ابقى عملت الكارثة الكبيرة..المهم مرة في التانية في التالتة لقيت نفسي بعمل هارد بس مش بمزاجي..هما كانوا ٤ مرات تلاتة منهم غصب عني عشان مكنتش بعرف ساعتها اعبر عن رأيي و كنت بخاف اقول لأ..رحلة سنتين عبارة عن تخلي عن جزء من مبادئي اللي انا مقتنع بيها لدرجة اني بقيت مسخ..بقيت بائس لدرجة اني كل يومين اول ما بزهق واول بلاقي البيت فضي اقوم منزل جرندر و امسحه تاني و عالحال دة بقالي فترة كبيرة..انا عايش صراع بين شخصين..شخص رافض دة تماما و مرعووووب يموت عالحال دة عشان عارف انه هيقف بين ايدين اللي خلقه و هيحاسبه على كل صغيرة و كبيرة..و شخص تاني مندمج مع الموجة دي و يوم عن يوم عمال يغرز..انا جربت كل حاجة و ربنا اداني اشارات كتير عشان ابطل و مع ذلك كنت بتجاهلها لدرجة اني اتخطفت مرة و اتهددت بفيديوهات و كنت هتحبس مرة..يوم عن يوم كنت بدور على extreme جديد عشان اوصل لليفيل متعة اعلى لدرجة ان الموضوع وصل للكفر و سب الدين و العياذ بالله..وصل الحال بيا اني بقيت اقابل ناس بتإذيني و بتحط زي مشابك في حلماتي كنوع من العنف لدرجة اني مابقتش احس بأي اثارة منهم..غرزت لدرجة اني مفاصلي عاملة زي واحد عنده ٧٠ سنة من كتر ما مارست العادة السرية بشكل extreme و حرفيا اعصابي باظت و ايدي بقت ترعش كل ما آجي اشيل حاجة دة غير شعري اللي نصه وقع و داخل في صلع مبكر..نسيت اقولكوا اني مش بدور على جنس من الاول اصلا..انا مشكلتي اني اتربيت مع أب قاسي منعدم المشاعر خلاني عندي نقص حنان و محتاج حد يحضنني..هعمل اي حاجة عشان الحضن دة..في الوقت اللي كنت بنام مع رجالة عشان بدور على حضنهم كانوا بيدوروا على جسمي💔..المرات اللي كنت بقابل فيها ناس لغرض جنسي بس كنت بنزل من عندهم متضايق اوي لان مش دة اللي بدور عليه..انا ٢١ سنة و عمري ما دخلت علاقة..اولا لاني شايف اني بعمل حاجة غلط مش عايز اموت عليها و كل يوم بقول لنفسي هتبطل امتى الف مرة ودة بيتعارض مع مفهوم العلاقة اللي المفروض ان الطرفين بيخشوها على انها مش هتنتهي..انا لسة مادخلتش في الصراعات الاكبر اللي سمعت صحابي بيواجهوها..لما اكبر و اعيش لوحدي..كل صحابي هيتجوزوا وانا لا عشان اكيد مش هظلم واحدة معايا..هيكونوا اسرة و عيلة وانا مش هقدر..هعيش بيطاردني شبح الوحدة و الضغوطات النفسية لاني كدة كدة عمري ما هتجوز ولد و الكلام دة..اسئلة كتير و صراعات كتير ماوصلتش لاجابة فيها..كل اللي اعرفه اني يوم عن يوم بغرز اكتر و بتحول لمسخ اكبر..مسخ بيخسر نفسه عشان العالم المادي الشهواني غرقه..مسخ عمره و صحته بتضيع في الارض..مسخ بقى يبص في المراية يشوف شخص غريب مش دة اللي كان عليه من سنة و اتنين..انا مسحت البوستات القديمة و هسيب دة..هسيب دة عشان بيوثق الصراع اللي انا عايشه و اغلبنا بيعيشه..هسيبه هنا عشان لازم تبقى عارف حاجة..انا مش شيخ بس طالما آمنت ان فيه إله خلقك لازم تبقى مقتنع ان فيه تشريعات..لازم يبقى فيه حلال و حرام و صح و غلط و جريمة و عقاب..لو لغينا الحاجات دي الدنيا هتتحول لغابة يا جماعة..و دة فعليا اللي حصلي..اول ما الشيطان اغمى عيني عن ربنا غرزت لدرجة وصلت للكفر بيه والعياذ بالله..غرزت لدرجة اني بقيت ببعت صور محارمي لرجالة عشان اشوف نظرة الشهوة في عينيهم بعد ما كنت بعمل بلوك لأي حد يطلب صورتهم من سنتين!..انا بقولكوا دة عشان لو حد شجعكوا انكوا تبقوا نفسكوا و تعيشوا احرار و الكلام دة اعرفوا انه بيشدكوا للدنيا هنا..مفيش حرية مطلقة لاننا بجد هنخسر نفسنا و هنلاقي انه بقى عادي ولد يلبس زي البنات و ولد يحط ميكب و واحد يقرر يعيش كلب تحت رجلين الناس و يلبس ديل لانه عايز يجرب اثارة جديدة بتديله احساس جديد من النشوة..الفرق بيني و بين الناس العادية اني مش بكلمكوا من منظور متعالي بيحكم عليكوا و بيدخلكوا النار..انا بكلمكوا وانا غرقان زيكوا..بكلمكوا وانا عارف قد ايه انتوا ناس جميلة و نقية و ماتستاهلوش كل اللي حصلكوا..انتوا للأسف ضحية أحداث كتير ماخترناهاش..ولكن لازم تبقوا عارفين اننا لو استسلمنالها تماما هنخسر نفسنا..سيبكوا من المجتمع فعلا لانه مش فارق بربع جنيه بس خلي عينكوا على حد واحد بس وهو اللي خلقكوا هيبصلكوا ازاي (دة لو فعلا مقتنعين ان للكون دة خالق و اكيد هيحاسبنا في يوم من الأيام)..انا بنصحكوا عشان بجد بجد بحبكوا و انتوا اجمل ناس في الدنيا..و عارف انكوا انقى الف مرة من ناس كتير منافقة ومدعية الشرف حوالينا..بنصحكوا ان حتى لو كملتوا في الطريق دة لان مفيش بديل غيره حاولوا على الاقل ماتخسروش نفسكوا..حاولوا ماتسعوش ورا وهم الحرية المطلقة لانه هيجعل منكوا مسوخ مشوهة..هتتحولوا لأشخاص مختلفة تماما عن اللي كنتوا عليها و يوم ما هتندموا الندم مش هيفيد للأسف..حاولوا تاخدوا بس الكلام دة مني كتذكرة من اخوكوا الغرقان..اللي لو مات وسط الدوامة وهو بيحاول يعوم اشرف عنده ١٠٠ مرة من انه يموت وهو مستسلم للغرق..بحبكوا🫶🏻

صراع وانفصام شخصية مش عارف انا مين و رايح فين