ماتصدقوش حد

ياجماعه انا كنت بكلم واحد من ريديت زي سنه تقريبا بس كل فتره وفتره بنبعد ،اول فتره اتعرفنا فيها كنت تعبانه نفسيا ومستنزفه فطبعا كنت اتعلقت بيه و هو وحيد فاتعلق بيا كمان فبعد فتره انا اتعافيت وعمري والله ماقلت له اني بحبه او في مشاعر ليه كنت كل شويه ابعد عشان قال ايه بيحبني واني كده بخليه مايتعلقش بيا يعني ،فالمهم هو كان بيكلم بنات تانيه قبلي و حتى وهو معايا وانا معنديش مشاكل بس هو كان مصمم انه بيحبني انا بس وبيموت فيا وحسسني اني ظالمه وجاحده ، مسحت كل اكونتاتي من فتره ولمحتله بطريقه واضحه او قلتله حرفيا اني خلاص هبعد لقيته بطريقة ما بيتشكي اني ان انا سبته وبياعه وماقلتش اني هبعد ،وحاليا بيكلم بنات بعدي عادي جدا احب اشكره جدا لانه عملي تراست ايسوز ان مفيش حد بيحب بجد و ان عمري ما اصدق مجرد كلام واحب اقول انه كان شخص ممل وشكرا