ابويا عنصري ألف بشكل

يا جماعة انا من اليمن، قدكم عارفين نحن منقسمين شمال و جنوب

انا جنوبي وابويا متعصب جدا على قضية الجنوب وأنا بايع القضية وهو عارف بس خلاص مسلم امره للاه ، حتى معي واحد من اصحابي شمالي الليد كويس عقليته واعية ومثقف، حتى وهو كذا ابويا يكره يقول انتبه منهم اوسخ ناس ونصابين حتى هم يقولوا على نفسوهم انتبهوا من الشماليين نحن ما تثقوا فينا، ابويا يكره الشماليين بسبب حرب ٢٠١٥ انهم قتلوا ابوه الله رحمه، وقتلوا ابن اخوه، وهو من زمان يكرههم بس من بعد ٢٠١٥ صار ١٠٠٠ ضعف

المهم الحين وديت امي لعزومة،

انا و امي قريبين من بعض مرة اسرها كل شيء حتى اوري لها صور ذوقي في البنات و ننكت مع بعض

امي هناك شافت بنت نفس ذوقي بالظبط ١٠٠ بالمئة

يا جماعة والله شبه شخصية بنت بحبها مرة، انا شفتها في العزومة حتى بدون ما أمي تأشر عليها بس شفت وجه كان كاشف

انا من النوع ما أكلم بنات بالجوال ابدا اذا وجه لوجه عادي

أنا استحيت أكلم البنت لأنه بنت ناس محترمة بس انا الصراحة ما قدرت اشيل عيني منها، والله يا جماعة كأنه هي هي مافي فرق

البنت طلعت شمالية هههههههههههههههههههه

قلت لابويا ابغاها قال لي إذا خطبته لا انت أبني ولا أعرفك ولا عاد تبين وجهك عندي

المشكلة كرر لي هذا الكلام ٣ مرات كل ساعة تمر

يدخل غرفتي يكرر نفس الكلام

أنا والله حبيته صح انه أول نظرة وهذيك القصص الرومنسية الي يمر لها الشباب اول بنت افضل شيء

بس والله مش عذر انه شمالية

قلت لابويا إذا الله ما بكتب في كتابي اني عاق او مذنب اني ما سمعت كلامك أنا بالنسبة لي عادي انك تقاطعني ما عاد تتكلم

بعد ما قلت له كذا ابويا زعل وما كلمني

ايش اعمل؟

ايش الحل

على أساس بخطبه بعد سنتين او ٣

امي تعرف هذيك العيلة وعطتهم كلمة

بس كيف اسوي مع ابويا