..

لسه راجعه من عند دكتور الاعصاب روحتله عشان عندي صداع مستمر فراسي والم فالرقبه والظهر يوميا وخمول

المهم فضل يسالني عن يومي والنوم والمذاكره الي اخره وسالني حالتك النفسيه ايه قولتله الحمدلله غير الموضوع بعدين رجع سال نفس السؤال معرفش ليه عيطت مع ان والله ما في اي حاجه ودايما لما حد يسالني انتي كويسه بشكل مش عابر بعيط بلا سبب وبجد لما بقعد افكر عيطت ليه مبلقيش حاجه ممكن تقولو اتنشن بس بجد هو بيحصل غصب عني وانا اصلا مش حابه النقطه دي عشان أمثالها

فضل يسالني ساعه حاجات ممكن مضايقاني انا بجد مش عارفه بقوله دنيا مش اكتر اي اللي مضايقني فيها معرفش

فكتبلي Paroxetine

Amisulpride

وقال لماما عندي اكتئاب حاد اعترضت لاني مش شايفه اني مكتبئه او زعلانه من حاجه ولا بنزف يوميا ولا حتي بفكر فحاجه ده فالمشاكل الكبيره اللي ساعات بتحصل مبعرفش اعيط حاولت اوصله ده هو مصمم انه اكتئاب سالته اذا اروح لدكتور نفسي قالي لا مش دلوقتي فسؤالي هل دكتور الاعصاب يقدر يشخصني من الناحيه النفسيه مش الاولي الدكتور النفسي وهل كافي مجرد ان عيطت يقول ان عندي اكتئاب بدون ما يسمع كلمه مني لاني مش حاسه بجد انه عندي وانا مش ضد فكره اروح لدكتور نفسي او اخد ادويه لو احتجت مش شايفاها عيبه زيه زي الجسدي بس القصد خايفه التشخيص يكون غلط والاولي اصلا يشوف عندي مشكله جسدي الاول لاني بشتكي من الم عضوي مش جايه اقوله زعلانه وبعد ما نتاكد نشوف النفسي

والادويه لما سرشت عنها بتتاخد فتره طويله اوي والانسحاب بياخد وقت والجسم نوعا ما نا بيتوعد عليها وفالغالب الدكاتره (اللي سمعته)عشان متقطعش معاهم يفضلو يدوك الدواء حتي لو مبقتش محتاجه فتشخيص غلط اكيد هيضرني وهيعود بنتايج عكسيه

انا قريت كتير عن الاكتئاب بس كله اعراض لا تنطبق عليا لا انا بعيط قبل ما انام ولا بحبس نفسي ولا بكره الناس ولا مبهرزش ولا بفكر فالانتحار معرفش الفيديوز دي مصارد موثوقه ولا لا بس اللي اتشخص من دكتور فعلا وحس ان العلاج جاب معاه نتيجه وان فعلا عنده اكتئاب مش مجرد مصطلح بيكرره يقول اعراضه ايه

رجاء متهبدوش