بتجيبوا شغل براتب كويس منين؟!

انا بقالي حركة 10سنين شغال ف كذا حاجة وكذا مكان واشتغلت ريموتلي ومن السايت وسافرت الخليج وناقص احضر عفريت وبرضو الرواتب فالارض وعملاء ولاد ناس وحشة تقوله سعر يخفس الارض بيه ويمشي ,اشتغلت من المقر ف التجمع ب15 ل20الف شغل دبح ومش مكفي وصحتي ادمرت منه ..روحت الخليج قولت ادور ف عملت12 انترفيو وكلهم مبهورين بشغلي لكن الراتب مش مبهر اشي يقولي 1500 ريال واشي يقولي 2000 ريال ودول متاكلش عيش حاف..اشتغلت ريموتلي مع شركات اجانب نفس القصة بس الفرق بيروحوا يحسبوا الدولار بكام ويدفعلي ما يعادل راتب مصري ..ولله من اسبوع كان في شركة طالبة ريموتلي ف امريكا طالبين ويب ديزاينر وبعتلهم وكله تمام تاني ميتنج للراتب ف الاتش ار جه يقولي 500دولار ! قولتله ده تمن بروجيكت ولا اي قالتلي شهر! قولتلها مفيش الاسعار دي تروح تقولي لا في ده سعر مناسب جدا دول يعملوا 25 الف ايجيبشن باوند ودول فيير برايس!
مش هحكي الفريلانسرز عاملين اي لان دول اسوء بمراحل

انا مش ببص لحد ف رزقه لا الهم زد وبارك .بس انا عندي فضول بتعملوا اي؟ بتجيبوا الناس اللي تدفع من غير فصال وقرف؟ بتعملوا اي؟؟؟ اعمال سفلية؟؟ ولا اي الحكاية انا جاضض وبفكر ابطلها وانزل اشحت اريحلي نفسيا