На facebook во предложени објави во последно време ми излегува Венко Крстевски, в.д. градоначалникот на Кочани кој најави дека ќе ги руши дивоградбите на плоштадот во Кочани.
 – На тие објави во коментари може да се види голем број на луѓе кои се против тоа.

Пред некое време исто така имаше објави за албанскиот претседател Еди Рама кој што исто така рушеше нелегално изградени објекти во Албанија и тоа беше поздравено со позитивни коментари од македонците и дека во Македонија тоа никогаш нема да се случи поради состојбата со нашите политичари.

Мене ме интересира што вие мислите за одлуката на в.д. градоначалникот на Кочани, дали го поддржувате?
Зошто нашиот народ бара промени, бара да се рушат нелегално изградени објекти, а потоа кога ќе почне нешто да се прави тие се против? - Треба ли да има селективност кој објекти треба да се рушат, а кои да останат?

Можеби некој ќе праша зошто не се руши и во Скопје и Тетово и другите градови, но според мене мора да се почне од некаде без разлика во кој град е и која националност е газдата на тој објект. Ако правиме промени, тие промени треба да бидат за сите.

(Сликата е превземена од facebook, од профилот на Венко Крстевски)

Венко Крстевски и дивоградби во Кочани