Pagod na ako magpaka-nanay

31F here living with my 22F sister. Ang hirap-hirap magpalaki ng kapatid. Yung financial burden mas kinakaya ko pa eh kasi nagagawan naman ng paraan pero yung mental at emotional load, habang tumatagal dito ako nahihirapan.

College student yung sister ko. Nagdaan din naman ako sa ganitong phase in life, yung mga biglaang sleepover dahil may mga projects na need na tapusin the following day. I know na hindi talaga maiwasan na late na umuwi. Ang kinakarindi ko lang dito sa kapatid ko, hindi nagpapaalam. Lagi na lang. Ano ba naman yung mag-message na "Ate, nandito ako sa bahay ni ganito, may tinatapos pa kaming project." Texting literally takes what, less than a minute? Hindi yung makakatulog na ako lahat at magigising nang madaling araw tapos mare-realize ko na hindi pa nakakauwi kapatid ko. Tapos kung hindi mo pa tanungin, hindi pa magsasabi. Aba di ako manghuhula. Isa pa, hindi niya na-rerealize na kahit anong mangyari, kargo de konsensya ko siya kasi ako lang naman ang kasama niya sa bahay. Kung may mangyari man sa kanya, ako pa rin ang unang maghahanap sa kanya, ako pa rin ang unang tatanungin ng mga tao, tapos nang dahil di niya nga hilig magpaalam nang maayos, hindi ko alam saan ko siya unang hahagilapin.

Sa inis ko dahil paulit-ulit na nga to ginagawa sakin, sinabi ko sa kapatid ko na kung gusto niya pala ng buhay na hindi niya na need magpaalam at pwede siyang umuwi kahit anong oras niya gustuhin na walang naghahanap sa kanya, humanap na lang kako siya ng sarili niyang tirahan. Andami ko pa gusto sabihin — na sabihan niya lang ako kung kelan niya gusto umalis, ako pa maghahatid ng gamit niya — pero siyempre hindi ko na sinabi. Nakapagtimpi pa ako. Pero honestly, kaya ayoko rin ng nagagalit nang ganito kasi masakit ako magsalita kapag nasagad na talaga yung pasensya ko.

Ang hirap kasi ang dami ko na ngang iniintindi sa trabaho (I also manage people) tapos dumadagdag pa yung ganito sa mental load ko na sana after work, nagpapahinga na lang ako pero here I am, nag-rarant out of anger.

Pinag-install ko na rin yung ng Life360 before pero hindi naman ginagamit. Ewan. Nag-sorry na naman siya at sinabi niya magko-communicate siya nang maayos sa susunod pero nakakarindi kasi talaga kapag paulit-ulit mo na pinagsasabihan tapos gagawin uli. So sana tuparin na this time. Pagod na ako maging sirang plaka.