ليش الأجانب عندنا ما يتعلمون عربي؟ وليش كثير منهم غير متعلم عن ثقافتنا؟

لاحظت عندنا بالشركات إذا جابوا موظفين أجانب سواءا أمريكان أو هنود أو غيرهم ما يسألون عن لغتهم العربية، وأغلب الشركات حتى ما يحاولون يعطونهم دروس لغة عربية! أنا أعرف ان اللغة العربية جدا صعبة وتعلمها ياخذ وقت طويل جدا، لكن إذا هو اجنبي عايش بالسعودية ليش ما يتعلم اساسيات اللغة؟ يتعلم كم جملة بالعربي عشان يعرف يسهل العمل على الآخرين! أول شيء يسالونك إياه الشركات الامريكية اذا عرفوا أنك غير امريكي هو مستواك بالانجليزية، ويقولون لك بالفم المليان (تعلم انجليزي، هذي امريكا). صراحة أنا هالشيء يثير استيائي، لان بعضهم مو فقط ما يتعلم اللغة حتى ما عنده معرفة بثقافتنا أو تقاليدنا (وللاسف هذا شيء موجود حتى بعض الاجانب المتحدثين بالعربية من الدول المجاورة)! شلون تجي وتعيش بدولة وتقرر تتوظف فيها وانت معرفتك ثقافة الشعب وتقاليدهم صفر! هالشيء يحسسني بعدم الاحترام