المواطن التونسي والخوف المزمن من الادارة و السياسة!!

في تونس، فما خوف غريب نوع من الرعب المزمن موش من الجنون و الا الشر و الا السحر اما خوف من الادارة و السياسة و عندوا الحق: إولا الادارة : في اي وقت يمشي المواطن للادارة قولش عليه في حرب عارف روحوا باش يخصر فيها: هاو 4 نصاور هاو مضمون هاو 3 نصخ من بطاقة التعريف .المشكلة؟"الورقة ناقصة" هكا يقلوا الموضف و هو يضحك....يضحك!! لهنا يخاف المواطن .عنا جارنا ديما يقللنا :"نمشي على جال مضمون نحس روحي في محكمة" الفكرة لهنا الي الخوف ما جاش من العنف اما جامن البيروقراطية وين ورقة ناقصة تنجم تسبب في انوا تصعب و تعطل حياتك ثانيا الخوف من السياسة: ما السياسة في تونس؟ راهي كيما لعبة "وين الكرسي؟" كل مسؤول يخرج من بلاصتو كأنو ما كانش، ويجي واحد جديد يقولك: "القرار موش في يدي". المواطن، اللي طول حياتو يحلم باش يسمعوه، بدا يخاف حتى باش يعبر على رأيو. كل كلمة ينشرها في الفايسبوك ولا إنستغرام تولّي موضوع سخرية كبيرة ولا حتى استدعاء مفاجئ، حسب مزاج السياسة اليوم وما ننساوش تاريخ تونس مع الثورة الى خلا التونسي بحس إن محاولت التغيير ما تجيب كان وجيعت الراس . وفي الآخر، المواطن التونسي يخاف من النقد والنقاش الإداري لدرجة إنه يفضل يسكت ويعمل روحو ما شافش. والغريبة؟ كل ما يسكت ويخاف، الدولة تزيد تعقيد القوانين، تطوّل الطوابير، وتخلي البيروقراطية أكثر وحشية