ثنائي القطب

بشارك ده بهدف اني احكي وهو بوست مش مهم اطلاقا مش لازم تضيع عليه وقتك بصراحه 

لاحظت اعراض ثنائي القط من سنه لكن مكنتش اعرف ان في حاجه اسمها ثنائي قطب كنت بتخيل انها مجرد تقلب مزاجي واحباطات الحياه بالرغم من ان احيانا ببقا متفائل جدا واحيانا شايف ان لا معني للحياه ولا جدوي وان عمري ما هوصل كنت دايما بحس ان فيا حاجه غلط او اني مش عارف اثبت علي شخصيه واحده او قرار حتى مع الناس ساعات بحبهم جدا وساعات بكهرههم جدا من مواقف بسيطه جدا وممكن اغير رأيي كل ربع ساعه ومواقف بسيطه بتوديني وتجبني وعشان كده كنت بحاول دايما امسك فشخصيه واحده من الاتنين فكنت بربي عادات جديده زي اني افكر قبل ما اتكلم وانتبهت لفكره ان غالبا دماغي مش علطول بتفكر فالحقيقه وقد تكون اوهام او خداع فكنت بعمل عكس للي دماغي بتحاول تقنعني بيه بشكل صارم كان كانه تاديب للنفس كاني كنت بروح مع الموجه لكن او ما ترجع بقف ولما تيجي رايحه تاني بروح لكن لما بقف ضدها بيكون بسبب قرارات مني او لاني فهمت اني مش لازم اتعامل باللي انا حاسه فكانت بتبقي زي فترات مقاومه وفترات عصيبه جدا لكن بيجيلي وقت بنسى البرمجه اللي انا حاططها لنفسي او ظروف الحياه بتاخدني فمصيبه او حدث كبير بينسيني هويتي وساعتها بتعامل زي ما دماغي بتقول وبحس اني وقعت فالتيار الجارف واني عمال اضعف اضعف وبرجع لاصلي وهو تقلب المزاج
الحاجه الوحيده اللي حسيت بيها اني عايش منغير مقاومه كانت السجائر كانت بتعطيني احساس باني ثابت احساس بالاسترخاء كان الموج فجاءه سكت والدنيا بقت جميله زي ما كان بيجيلي فترات سلبيه بيجيلي فترات ايجابيه وحرفيا انا الاكستريم فالنحيتين بتمرن وجسمي حلو وشكلي بيبقي حلو وبذاكر وبقراء كتير جدا ومنظم جدا  وحرفيا ببقا واثق فنفسي لدرجه شايف انا احسن واحد فالكوكب فالفترات الايجابيه والفترات السلبيه بنسى اساسيات الحياه زي الاكل والشرب ممكن اقعد بالايام مطبق بعمل كل حاجه سيئه ومدهول وكل حاجه مكركبه وفاقد الامل فكل شيء وحاسس ان انا مبوصلش لحاجه وان فيا حاجه غلط مهما عملت مش هتتصلح
ممكن لو حد متشخص بنفس الحاجه يحكيلي تجربته فالكومنتات اللي غالبا هكسل ارد عليها