رئيس القسم بلوة اعمل ايه ؟

انا موظفة حكومية لسه منقولة مستشفى مختلفة عن المكان اللي اتعينت فيه المهم رئيس القسم ف المكان ده بني آدم حقير بشكل مش طبيعي بيوقع بين افراد القسم و يقولهم كلام ماحصلش على بعض و ده قال عنك كذا و قال انك عملت كذا ز بتاع

• بيسرق اي حاجه والله الكلام ده اتقالي اول ما اشتغلت من كذا حد قالولي خلي تليفونك معاك لأن ممكن ما تلاقيهوش انا فكرت قصدهم ع الحالات اللي بتيجي اتضح انه رئيس القسم
• بيطلع يمضي للناس مش بيمضي غير للي بيدفع له فلوس غير كده ممكن يشطب على اي حد حتى لو موجود و شغال (اتشطب عليا مرتين ف أسبوع) بقولهم طب انتو ما اشتكيتوش ليه بالكلام ده قالولي اشتكينا و راح نيابة إدارية و جزاءات و حوارات لدرجة أنه اتعمله انتداب لكذا مكان بس لي حتة يروحها يعمل فيها مصيبة ف يرجعوه تاني الكلام ده كله انا مش بس سمعت من كل اللي ف القسم حرفيا كبار و صغيرين لا ده حصل معايا انا نصه ف مسافة الشهر اللي قعدته المهم انا بقولهم يا جماعة انا هروح اشتكي قلة الأدب اللي بتحصل دي و معانا بدل الدليل و الشاهد ألف قالولي اوعي و اياك احسن يقول عليك كلام مش كويس و الناس هنا ما بتصدق و يشوه سمعتك أو العن يلبسك ف اي حاجه م اللي سرقها و لا لي مصيبة تانية م اللي بيعملهم دلوني بالله عليكم اعمل ايه لأن انا مش هينفع ارجع مكان شغلي الاولاني لظروف زواجي و ف نفس الوقت لازم ادفع الضرر عن نفسي و أدافع عن حقي