قبل ما أبقي ملحد رسمي ، لو ربنا موجود فعلا و عادل ليه خلق معاناة و حياة قاسية لحيوانات الشارع ؟

احنا ك مسلمين او متدينين عموما لما بشر بيعاني بنلاقيلها مبررات مختلفه نصبر بيها نفسنا زي انهم هيتجازوا و يدخلوا الجنه او ان دا تكفير ذنوب ليهم وهكذا و الليله بتمشي . بس الحيوانات اللي ملهاش حساب و جنة و نار زينا ربنا خلقلهم حياة قاسية جدا خصوصا حيوانات الشارع في مصر و الدول الغير متقدمه اللي بتنضرب و تتسم و أحيانا الأطفال الصغيره بتغذبهم ببطئ لحد ما يقطعوا نفس دا طبعا غير الجوع و البرد و كره البشر ليهم ، كل دا و ربنا خلقهم بيزعلوا زينا و يخافوا زينا و جهازهم العصبي بيحس بالألم و العذاب الجسدي زينا ، فين العدل في كدا بظبط ؟ و ازاي حد متدين بيشوف كمية اخبار التعذيب و السم و بيصير نفسه ؟ و محدش يكلمني عن عقاب اللي بيعمل كدا في الدين لأن دا مش كفايه و مش اجابه منطقيه لسؤالي وهو ان ليه ربنا خلق المعاناة دي من الأول لأرواح بريئة