المرتبات

هو ليه يا جماعة الناس قايمة على كل حاجة الا مرتباتنا اللي محتاجة تعلى على الاقل مرتين و نص؟؟؟ ليه الناس مبتتكلمش في ان كل حاجة متسعرة على الدولار ابو ٥٠ و مرتباتنا متسعرة على ابو ٢٠ جنيه، ليه محدش بيتكلم على انه شغال شغلانة محترمة بمرتب اقل من المسمى الوظيفي و المجهود اللي عمله عشان يشتغل في الوظيفة ديه و المجهود اللي لسة هيعمله و مش هيزيد حاجة في الاخر، ليه الناس اللي شغالة في شركات قطاع خاص ساكتين على صاحب الشركة اللي مش عايز يجوع و ينزل بمستواه معاهم و ييجي على نفسه معلش و ميغيرلوش ٤ او ٥ عربيات السنة ديه، ليه محدش بيتكلم ان كل حاجة بتجيب فلوس الا الوظيفة و ان اللي مستقبله ضاع فعلا اللي ابوه شقي عليه عشان يعلمه تعليم نضيف بدل ما كان يطلعه لعيب كرة او بيغني مهرجانات و راب، ليه محدش بيتكلم ان في ناس في الشركات بتقبض بالنص مليون جنيه و في ناس لسة مرتباتها لحد دلوقتي بالستة و السبعة الاف جنيه؟؟؟؟؟