بنت في الجامعة

السلام عليكم، عايز أشاركم قصتي وياريت تفيدوني في الحوار ده. الوقتي أنا اتعرفت على بنت معايا في كلية من سنة، كنا مع بعض في سكشن السنة اللي فاتت وبدأنا نتكلم مع بعض. في الاول مكنش بينا اي كلام كتير، المواضيع كانت كلها دراسية وعلاقتنا ببعض ان احنا في سكشن واحد مش اكتر. هي فعلا بتختار الناس اللي حواليها كويس اوي ومش سهل تتعرف عليها شخصيا. مع مرور الوقت أنا وهي بدأنا نتكلم اكتر والحوارات بدأت تكون عامة واكتشفنا ان في بينا حاجات كتير احنا شبه بعض فيها في بقينا اصحاب وبقينا نتكلم كل يوم. البنت محترمة جدا في معاملتها معايا ودايما بتسألني عن نفسي والكلام مش من طرف واحد أبدا لا بحسها بتخش معايا في الكلام وبتخاف عليا. البنت دايما بتعاملني كويس وبتسمع لهمومي وانا بسمع لها. احنا بنتكلم شات كتير اوي وبنقعد فترات طويلة (بالساعات) بنتكلم كول حرفيا في كل ساعات اليوم. أنا وهي اتكلمنا في موضوع العلاقات وموافقين ان الخطوة دي مش وقتها خالص، بس الكلام كان عمومي جدا و اكيد مكنش في اي نقاش في ان الموضوع ده يكون بينا. أنا طبعا بحبها ولو كان في نصيب أتمنى اني اخد خطوة بجد بس بالنسبة لي لسه بدري اوي بس مش عارف لو أنا بظلم نفسي وبظلمها معايا لو مفيش اي مشاعر من نحيتها. أنا مش عارف لو اللي بينا ده طبيعي وانا في ال friendzone اوي ولا ممكن تكون بتحبيني بس للأسف مفيش اي علامات خالص بس بحس ان التواصل الكتير بينا ده ممكن يكون سببه حاجة تانية. مستني اسمع رأيكم ايه