لو انت مهتم بمجال الموبايلات و اجهزة التكنولوجيا
هتلاقي ان فيه تسريبات بتتنشر عن الموبايلات بخاصة الايفون ب ٥ - ٦ شهور قبل اطلاقه
و التسريبات دي بتبقى دقيقة للغاية
لدرجة انك ممكن تعتقد انها تسريبات من شركة أبل نفسها
لكن التسريبات دي مصدرها الشركات الي بتخدم على شركة أبل
...
كمثال، تصميم الموبايل و ابعاده، التصميم ده بيتعرف بال 
القالب الأزرق الي تحت ده
ده شركة ابل بتبعته للشركات الي بتصنع ال Case او كفر الموبايل قبل اطلاقه ب ٣ ~ ٤ شهور
و كذلك الشركة بتبعت شكل الشاشة و حوافها و مكان فتحات الكاميرات او الجزيرة الامامية للشركات الي بتصنع ال Screen او سكرينة الشاشة
ده علشان بمرد اطلاق الايفون الجديد تلاقي له افضل اشكال الكفرات و السكرينات من كل الانةاع و الاصناف
...
حتى المواصفات الداخلية 
زي مثلاً المعالج، ابل فيه العاب بتحتاج تخصيصات معينة علشان تستفيد من قدرة المعالج المحسنة،
كمثال، انت ممكن في الاندرويد ينزل موبايل جديد بس
بمعالج ضعف اداء كعالجات السنة الي فاتت، بس لما تفتح الموبايل تلاقيه ب يشغل PUBG على اعدادات ضعيفة و 60 فريم بالرغم من ان اداء المعالح احسن من كل المعالجات الي بتشغل ببجي على اعلى اعدادات و 90 فريم
بس مطور اللعبة ميعرفش لا الموبايل و لا المعالج، فعلشان اللعبة متحرقش الموبايل بتشتغل على اقل اعدادات ممكنة !
في ابل علشان ميحصلش كدة بيبعتوا قدرات المعالج الجديد لشركات الالعاب و التطبيقات، بحيث انه من اليوم الاول الالعاب دي تشتغل على اعلى اعدادات على الايفون الجديد
النتيجة ان الشركات دي و الي منها شركات صينية و كورية و يابانية بتعرف اداء المعالج الجديد قبل اطلاقه باسابيع
كذلك الكاميرات
انت عامل كاميرا 48 ميجابكسل بخاصية جديدة
علشان تطبيقات زي سنابشات و انستجرام تستفاد من الكاميرا دي لازم تعرف مواصفاتها والا الصورة هتطلع وحشة
النتيجة ان مطورين التطبيقات دي عرفوا تقريباً 99% من خصائص الكاميرات الجديدة في موبايل ابل الجديد
(ده السبب انهم في الاندرويد صورهم زي الزفت، لأنه بيستخدم مصدر  مكتبي لتطبيق كاميرا اولي موجود في كل نسخ الاندرويد بيصور صور بدقة 2 ميجابكسل فقط) لانه ميعرفش مواصفات الكاميرا لا مستشعر ولا دقة ، فبيختار الحل الاسلم علشان التطبيق ميحصلوش كراش و يبوظ
...
النتيجة ان التخديم ده
بيخلي شركة أبل حرفيا كل الناس عارفة عنها كل حاجة قبل اطلاق هواتفها المحمولة الجديدة بشهور
و فقط تيم كوك بيطلع يأكد التسريبات الي بتكون 99% منها صحيحة
لأن ابل تعتبر هي الي مسرباها

ازاي تسريبات الموبايلات بتطلع حقيقية