استاذ عمار العزاوي ( بعد التعديل )
هواي ناش شافو البوست الفات و نفس الكلام بس راح اعيد صياغه بسكل احسن علمود الكل يفهم و اوضح كم نقطة ما كنت كاتبها صح
طبعا كلكم تعرفون استاذ عمار مدرس الكيمياء . وايضا كلكم تعرفون الفيديوهات عليه ( الميمز ) احد الفيديوهات بيه الاستاذ يكول " اذا تطاول او تجاوز على واحد من المساعدين . ثانيتين تلقيني ابيتكم . ارقطك رعط" تعدل هنا . هسة رجعت سئلت كم واحد و طلعت اني مفتهم غلط . هاي الصوتية ما كانت علمود الطالب المتحرش لا كانت علمود طالب اهان المساعدين . و موضوع طلاب الجامعة نعم الستاذ كال اكو اكثر من طالب جامعة 3 . 2 بنات و واحد ولد . البنات وحدة بالتكنولوجية . والثانية بالسراء . و الولد بالمستنصرية ( حسب اقول الولد وياي ) الاستاذ كال راح يضيع مستقبلهم بسبب تقليلهم من احترام الاستاذ عن طريق بعض الميمزات الي نشروها . مو نشر وانما همة الي سربو هاي المنشورات من محاضرات الإلكتروني القديمة . الاستاذ كال راح يدمر مستقبلهم الجامعي
رئي : اشوف غلط تدمر مستقبله بس احسن شي تجبره بالمحكمة بعقوبة مادية كلش عالية . ليش ؟ الطالب خاصتا الكليات اكثر شي يدمرهم القسط والفلوس فهاي احسن طريقة نفس ما نكول تلزمهم من الايد الي توجعهم
على موضوع المتحرش
نعم نفس القصة . طالب من طلاب الانجليزي نحرش بوحدة من الطالبات ( بعص تحديدا ) الطالبة كانت تريد تجيب اهلها للمعهد و تسوي مصيبة . استاذ عمار و استاذ مروان ( المساعد ) كعدوها و توسلو بيها ما يوصل الموضوع للاهل لان همة نفسهم يعرفون انو اهلها احتمال يجبروها تترك الدراسة من هيج موقف . اذا ما صار قتل و اذا ما صار اتهام من الاهل انو هية كانت مطيته مجال بالبس او شيء . الاستاذ عن طريق علاقات لاحق الولد . والدة الولد عرفت و صار عدها ضيق بالتنفس و هية اساسا مريضة كورونا و توفت . حسب قول الاستاذ انو هوة الموضوع صار عشاير و تدخل الامن الوطني ايضا بس بعد وفات والدة الولد هوة وقف كلشي
رئي : الولد يستحق و نكدر نكول رب العالمين اخذ حق البنية باخذ روح امه . امه شنو الها علاقة ؟ شوف هنا اكو جوابين . الام ما عرفت تربي او الام ربت بشكل صحيح بس الابن تغير بشكل سلبي .
شنو رئيكم و اسف لان مسحت البوست السابق بس حبيت اوضح كل شي هنا بشكل احسن
Posted Oct 10, 2025, 7:20 PM UTC