مراجعة لأهم محطات بول ماركت 2022 إلى 2025

من فتره كنت بفكر في ابرز محطات بول ماركت العملات الرقميه من 2022 لحد 2025 وجدت انه في بعض النقط اللي لو درسناها وفهمناها كويس نقدر نستفيد في البير ماركت اللي جاي والبول ماركت اللي بعده كمان.

اول نقطه: لا أحد يُحقق أرباحًا في البير ماركت. سكة ودوغري. الأرباح بتحقق في البول ماركت بس، عايز تعاند وتضارب دلوقتي يبقى هنيالك اللكودة اللي هتحصلك خلال أقل من شهر من دخولك السوق، أو هبوط العملات عليك 80% أو 90% لو أنت سبوت.

ثانيًا، مضارب الفيوتشر على البيتكوين عنده حظوظ أوفر من متداول الأسبوت لو بيطبق خطة صارمة. بكل بساطة لأن البيتكوين حركته معقولة في 4 مرات فقط خلال 3 أعوام هبط +10% في يوم واحد، يعني لو حاطت ستوب لوس عليه فأمورك طيبة وتمام، ولكن لا أحد يمكنه أبدًا أن يكون لديه صبر وتركيز على العملات البديلة السافلة اللي ممكن تهبط 40% في يوم أو ساعة واحدة. الاسبوت مش أمان، والله الأسبوت مش أمان إلا لو أنت مخدوع ومطيوزي ع الآخر وفاكر أن عملتك لو عكست عليك 80% فممكن تيجي وتصعد 2000% عشان تخرج منها تاني على سعر دخولك، ولو حد عاوز يناظرني هنا في موضوع الاسبوت انا تحت أمره. مديري اشترى عملة XRP في 2021 وباعها السنة دي على سعر الشراء بعد 4 سنين من الصبر، نفس السيناريو حصل مع مستثمري الايثريوم كمان، فلو الاسبوت مناسب لعملة واحدة فأكيد العملة دي هتكون البيتكوين فقط!!

ثالثًا، أعتقد أن البيتكوين أفضل أداة استثمارية تدخلها في الفيوتشر من حيث الأرباح والخسائر وعدد الصفقات وكل شيء. يعني معنى كدة أن البيتكوين هو الأفضل سبوت وهو الأفضل فيوتشر، وهي حاجة منطقية لأننا جميعًا في سوق واحد والتيار اتجاهه واحد على الكل؛ فيوتشر وسبوت. يعني لو قلنا عملة سيئة سبوت فهي بالتأكيد هتكون كمان سيئة فيوتشر، والعكس صحيح.

رابعًا، من واقع مذاكرتي ودراستي الخاصة، أفضل وقت كنت ممكن تدخل فيه سبوت هو شهر 7-9 لعام 2022 أو عام 2023. كنت ممكن تحقق بالكتير أعتقد 10 اكس خلال 3 - 16 شهر على حسب العملات اللي اشتريتها أنت. أنا اشتريت PEPE وبعتها على 10 اكس، ولكن لا تتذاكى وتشتري من دلوقتي لأنك أولًا هتلبس خسارة كبيرة جدًا، ثانيًا أنت أصلًا متعرفش ايه العملات اللي هتكون تريندنج في البول ماركت القادم 2027-2029. يعني حافظ على فلوسك لحد شهر 7-9 لعام 2026.

هبقى اكتب تاني عن الفيوتشر بالتفصيل.