خوف

ليش احس بخوف من الرجال خصوصا؟ وليش اخاف اشيل حجابي لان ببالي راح تكون دعوة مفتوحة انهم يتعدون علي او حتى يصوروني او يرمون كلام؟ اشوف كثير بنات عادي يروحون ويجون وهم لابسين اللي يريحهم لكن انا رغم عدم اقتناعي فيه فيني خوف... فيه بنت مثلي او انا احتاج ثيرابي؟ عشان اكون صريحة انا تم التحرش فيني وانا طفلة من ٦ سنين الى مراهقتي منهم هل ممكن هذا سبب خوفي؟ رغم اني كبيرة الحين واقدر ادافع عن نفسي وحقي.

كل ما اجي بسوي شيء من رغبتي ترنن براسي كلمات اهلي لما لاموني عشان ولد تحرش فيني ومسك يدي بالشارع.. لاموني انا اني سكت و زوجة ابوي لما قالتها لهم عشان تنتقم مني وكأني انا المخطئة باللي صار.

عموما احس فيني عقد الدنيا كلها ومو عارفه شلون اتخطى ووشلون اعيش بالطريقة اللي انا ابغاها ومقنعة لي بدون تبرير او تأنيب ضمير.

تعبت.