 "دا حذاء الملك "توت عنخ آمون"! 

منقوش على الحذاء مشهد لأعداء مصر الأبديين. العدو الأفريقي الطامع في الاستئثار بماء النيل. والعدو الأسيوي الطامع في خيرات وادي النيل.

 والاتنين مربوطين من رقبتهم زي المواشي.. 

بص ع الأسيوي كده شوف شكله أيه؟ 

لحية كثيفة، شبه لحية البدو الرحل، واللي بيسكنوا الأنفاق دالوأتي.. ومسمين نفسهم "مقاومة" 

واللي كانوا زمان هما وأجداد قبيلة أحمد الشرع مجموعة قبائل اسمها: الهكسوس. 

الفكرة في النقش على الحذاء واضحة جدًا: 

كل خطوة للملك = سحق رمزي للخصوم والأعداء.

كل خطوة للملك يجب أن تكون في سبيل حماية "ماعت". النظام والعدل، على أرض كمت من همجية الرعاع، وغوغائية الخصوم. 

على الحذاء برضه هتشوف بوضوح رسم (الأقواس التسعة):

اللي هو إشارة ورمز لكل من يعادي البلاد

ليه تسعة؟
الرقم 9 في المخيال المصري = الكثرة/الاكتمال لأنه أكبر رقم أحادي فـ “تسعة” هنا معناها “الجميع”.

وليه أقواس؟
القوس كان سلاح نمطي للقبائل والبدو الرحل اللي بيعيشوا على حدود مصر، فأصبح القوس علامة مختصرة للخصم الخارجي أو المتمرّد

نفس النقش ده (الأفريقي والأسيوي مع أقواس النصر) 

بيتكرر كتير جدًا على مساند القدمين والعتبات الملكية في آثار مصر القديمة.. عشان يفضّل العدو "تحت القدم" دائمًا، كل ما الملك يقعد على العرش يدوس عليه، وكل ما يخطي لمقر الحكم يدوس عليه، كبيان للسلطة السياسية والهيمنة الدينية والفكرية..  مش مجرد زخرفة يعني. 

حفيد الأسيوي اللي على حذاء الملك ده، هو اللي قاعد يصيح دالوأتي من الغيظ، متضايق من التشبه بأجدادنا العظام في الصور اللي مغرقة الفيسبوك، معتبر إنها خروج عن الدين. 

فقولت أشارك في غيظه بطريقتي"

الكلام منقول، ايه رأيك فيه؟ شايفه حقيقي؟ تدليس؟ بين البينين؟ متفق مع ايه ومختلف ف ايه؟ وتفسيرك ايه للنقوش دي؟

حذاء الملك "توت عنخ آمون" واعداء مصر