احتاج فتوى، فين اروح؟

السلام عليكم، أنا بنت غير متزوجة، عندي مبلغ بالبنك اجمعه من فترة طويلة، على اساس ادخره لحد ما اقدر أعمر فيه بيت ملك وأشتري لي فيه سيارة وفيه عملية تجميلية احتاج اسويها، فيه صديقة لي، دايم تشتكي من وضعها المادي السيء، ودايم تلح علي انه واجبة علي الزكاة وانه لو ابغا ازكي فلوسي اعطيها اياها لانها محتاجتها، ولأن الاقربون أولى بالمعروف، وصار لها كم شهر تزن بنفس الموضوع، تغيب فترة وترجع تسلم علي وثاني يوم تطري سالفة فلوسي الي بالبنك، مع العلم انه هذي الصديقة أنا ما قصرت معها، وسلفتها كذا مرة، وبالآخير لما وصل دينها مبلغ كبير نسبيا -حول ٨ الآف ريال- اعتذرت منها وبطلت اسلفها، لاني عارفة انها ماعندها نية ترد الدين، والله يعين، الان أنا ابغا اعرف الحكم، مع العلم اني ماعندي بيت ملك لي، وجلستي في بيت اهلي مؤقته، بعد عمر طويل لو ابوي مات غالبا البيت بينباع وبلاقي نفسي بالشارع، لان علاقتي بأمي وبأخواني وأعمامي مهي زينة، ويمكن الشي الوحيد -بعد الله- الي يحميني من ظلمهم هو ان ابوي عايش الله يطول بعمره ويحفظه من كل سوء، فأنا ما عندي مشكلة مع الزكاة وادري انها واجبة، لكن أنا ماعندي إلا مصدر دخل واحد وبشوف الويل والمرمطة في الدوام وما احد يصرف علي، مصروفاتي أنا اقوم فيها واقوم بمصروفات اهلي احيانا، ومحتاجة اسوي عملية غالية، هي عملية تجميل، بس بدونها شكلي مشوه، مو تعديل خشم او كذا، لا فعلا عندي مشكلة واحتاج أعالجها، فاعتبرها ضرورة مهي رفاهية، المهم هذي البنت قروشتني تقولي حرام وانتي كذا داخلة في الاية الي تقول "۞ يَا أَيُّهَا الَّذِينَ آمَنُوا إِنَّ كَثِيرًا مِّنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَن سَبِيلِ اللَّهِ ۗ وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنفِقُونَهَا فِي سَبِيلِ اللَّهِ فَبَشِّرْهُم بِعَذَابٍ أَلِيمٍ (34)" ماعرف والله، أنا لو الاقي احد يصرف علي ما كان تمرمطت في الشغل وتحملت اهانة من الناس، هل ممكن اني ما ازكي لحد ما اخلص اساسيات حياتي وبعدي يصير ازكي كل سنة ٣٪؜ بدال ٢.٥٪؜ عشان أعوضها؟ هل ممكن اني اعتبر المبالغ الي اهلي يأخذوها مني غصب احيان كزكاة؟ مثلا اخوي صار له حادث ويبغوا يصلحوا سيارته على ظهري، وأعطيتهم الفلوس لاني مجبرة ومابغا مشاكل وعشان ابوي ما ينكسر خاطره(هذا كمثال، يعني ساعات ينقص شيء ويحتاجوا احد يكمله فاضطر ادفع لانه مافي غيري)، هل ممكن اعتبر هالمبالغ زكاة وخلاص؟ وهل تجب علي الزكاة في هذا الحال؟ يعلم الله اني اشتغل شغل متعب جدا، وحتى يوم امرض وحرارتي ترتفع ما حد يعطيني اجازة، وبتمرمط وبنضغط نفسيا لدرجة الدورة الشهرية اعزكم الله تنقطع عني احيان لما انضغط، ولو عندي احد يصرف علي ما اشتغلت هالشغلة وكان قعدت ببيتي معززة مكرمة، ايش الحل؟ دورت على ارقام فتوى بس ما ارتحت ما ابغا شي بالجوال، يعني ما ابغا احد يعرفني، لو فيه ايميل مثلا؟ او طريقة مجهولة، وشكرا انكم قريتوا لهذا الحد.