بعد 20 سنة

السلام عليكم اتمنى تقرون ملخص لكلامي اذا ما امكنكم الوقت وانا اجيت اتكلم نيابة عن نفسي واتمنى كلامي يكون نيابة عن الفئة العراقية الواعية , اخر 20 سنة من تاريخ العراق المواطن العراقي صار عنده تاثير غريب يخليه قراره وصوته يكون مربوط بعقيدة او مذهب ويكون ماعنده قرار للتغيير لذلك ينتخب لاجل مذهب او طائفة او عشيرة او 50 الف دينار عراقي وجاي يزيد التعصب لنفس الفاسدين ونفس الناس ونفس الفكر الي يحرضك على اضطهاد اخوك العراقي بسبب اختلافه وياك , الانترنت بيه هواية ناس واعية واشوفهم يحجون بالوحدة الوطنية وهذا الشي يفرحني بس من اطلع للشارع اشوف العكس , احنا وصلنا لمرحلة صرنا عايشين بوعي مزيف وثقة مطلقة وانا ماجاي اتهجم على جهة معينة , كلامي الك يا صديقي انشر الفكرة على ان العراق يصير ايد وحدة لطرد الناس الي يعرقلون تطور هذا البلد الي عمره الاف السنين والي لحد هسه ينحب على اهله ويتشوق الهم من جانوا مختلفين بكل طوائفهم ومعتقداتهم واكبر همهم هوه شلون يعبرون راس الشارع سوية , وضعنا اختلف وجاي تصير عدنا حرية بالتعبير اكثر وزاد الوعي بين الشباب قبل الكبار وهاي نقطة جدا ايجابية لكن خلونا ما نضيع هاي الفرصة ونرجع مرة ثانية الف سنة ليورة وخلونا ننسى الماضي وننسى الناس الي دسوا كل هاي الافكار الخبيثة من كره لاخوك العراقي حتى لو جان يريد مصلحتك بس لانه من غير معتقد , ادري كلامي ماله قيمة لان الف واحد حجاه بس اتمنى من اعماق قلبي ان اشوف العراقيين يحتفلون بصدق لوطنهم الي ودعوه بسبب تركيزهم على معتقد فلان وعلان , وبعد 20 سنة ممكن انا اتذكر هاي رسالتي وممكن غيري يتذكرها والله العالم لكن كلما كنا بالظلمات كان المستقبل مشرق اكثر , صحيح طولنا هواية شنسوي بس الاوان ماراح يفوت علمود التغيير وبعد 20 سنة يا اما نكون احنا اصحاب القرار او يكون درس حاله حال اخر 50 سنة من الظلم واتمنى ما نضل نمشي بنفس الطريق , ملخص كلامي : اخوك العراقي يضل اخوك وتاكلون على سفرة وحدة شكد ما اشتدت الاوضاغ , رسالة عابرة اتمنى تنال جمهورها