مفهوم الوحده والهدف من العلاقات

مفهوم الوحده والهدف من العلاقات

من فترة كدا وانا قاعد لوحدي معنديش صديق اكلمه ولا عائلة اقعد معاها ولا بنت بحبها اسهر معاها وكل دا كان بسبب اني كنت خارج من فترة اكتئاب كبيرة بسبب فقداني حلمي للمره التانيه في دخول الكلية اللي كنت بحلم بيها المهم انا شخص قارئ للكتب ومهتم شوية اني اثقف نفسي ومهتم بعلم النفس وكدا لقيت نفسي تلقائي بسأل نفسي هو انا ليه في اللحظه دي بالذات كنت محتاج اي حد منهم يعني ليه محددتش انا محتاج اي منهم سواء صاحب أو حبيبه أو عائلة ليه في الوقت دا الشعور اللي كنت محتاجه كان اي حد فيهم يقدر يديهولي ساعتها بدأت أفكر اي الهدف من اي علاقة في الحياة سواء عائلية أو صداقه أو علاقة حب وليه كل دا مرتبط بالوحده مش المفروض ان كل علاقه فيهم تديني مشاعر مختلفه بس ادركت ان الهدف من وراء كل العلاقات دي هو الهروب من الوحده ليس إلا وان كل المشاعر من حب واخوه وونس و ألفه كل دي قناعات بنواجه بيها الوحده ونهرب منها الصراحه انا كاتب مقال طويل اوي اوي في الموضوع دا ومتردد انشره عشان كدا لجأت لمجتمع ريديت وبفكر اكبر الموضوع واقدمه على شكل بحث أو كتاب مثلاً وممكن نلاقي حلول نواجه بيها الوحده نعمل مجتمع أو منصه او ايا كان لو حد مهتم بس ممكن يشجعني وهنزل المقاله كامله هنا ونطورها سوا