التعامل مع انسان سام يده طويله

فيه شخص بعائلتنا سام جدًا صارت لنا مشاكل كثيره معاه. مشكلتي ما اقدر ارتاح وهو فيه اتوتر او تقريبا احس بعدم راحه و ما اقدر ارد عليه إذا استلمني لانه يوترني مب صاحي ممكن يسوي اي شي

طفشت اول شي اشتقت ارتاح اذا رحت عند جدتي قللت روحاتي لانه هو طول الوقت عندهم ، انقرف وهو فيه حتى لو قعدت ساكته وسويت نفسي ما اسمع المواضيع اللي تسد النفس عادي هو يجيك فجاه ويرمي كلام قوي ، عني وتوصل عن ابوي بعد ! باختصار انسان عقليته مقززه الله لا يبلانا وزي ما قلت ابي ارد ما اقدر يوترني

ثانيا احس بضعف ليه يوترني؟؟؟ اقول لنفسي حتى لو صار شي ومد يده اقدر ابلغ عليه

بس اول شي ادري اهلي بيوقفون ضدي وان حنا اهل ومفروض مشاكلنا تنحل بينا. كيف تنحل كل مره؟ يسوي مصيبه مع احد بعدين يجيب رضاوه !! الرضاوه هذي لزوجتك إذا زعلت مو اذا فردت عضلاتك على بنت

انا ماعلي منهم بس علي من امي بتزعل لو سويتها واخاف أصلا التبليغ ما يجي من وراه شي. ابي نصايحكم كيف اتعامل مع الموضوع يعني انا اللي جالسه اسويه اني ما احتك معاه بس هذا مب حل لمشكلتي إلا ما يصير تصادم، وكيف اتعامل مع الشعور الخايس اللي يجيني وهو موجود هل مشكلتي ضعف ولازم اقوي نفسي ولا ايش؟