Dead Body Found in Drain 😱 | खामगावात 4 दिवस बेपत्ता वृद्धाचा मृतदेह नाल्यात आढळला

खामगावमध्ये बेपत्ता इसमाचा मृतदेह नाल्यात आढळला — चार दिवसांपासून होता बेपत्ता, शहरात खळबळ

खामगाव (प्रतिनिधी) —

खामगाव शहरातील आठवडी बाजार परिसरातील विजयकुमार धनराज सराफ (वय ७५) हे गेल्या चार दिवसांपासून रहस्यमयरीत्या बेपत्ता झाले होते. आज पहाटे महाकाल स्मशानभूमीसमोरील नाल्यात त्यांचा मृतदेह आढळून आल्याने शहरात मोठी खळबळ उडाली आहे. या घटनेमुळे परिसरात एकच कुजबुज सुरू असून, मृत्यूचे कारण अद्याप समजू शकलेले नाही.

पहाटेच्या सुमारास काही नागरिक नेहमीप्रमाणे फिरायला गेले असता त्यांना नाल्यात एका इसमाचा मृतदेह दिसला. त्यांनी तात्काळ शहर पोलिसांना घटनेची माहिती दिली. माहिती मिळताच पोलीस निरीक्षक व कर्मचारी घटनास्थळी दाखल झाले. त्यांनी पंचनामा करून मृतदेह ताब्यात घेतला व पुढील तपास सुरू केला. काही वेळातच मृतदेहाची ओळख विजयकुमार धनराज सराफ, रा. आठवडी बाजार, अशी पटली.

सदर इसम ६ नोव्हेंबरपासून घरातून बाहेर पडले होते व परत न आल्याने त्यांच्या कुटुंबीयांनी शहर पोलीस ठाण्यात हरविल्याची तक्रार दाखल केली होती. पोलिसांनी शोधमोहीम सुरू केली होती, मात्र काहीच ठसे लागत नव्हते. अखेर आज पहाटे त्यांचा मृतदेह नाल्यात सापडला.

मृत्यूचे नेमके कारण समजू शकले नसून, प्राथमिक अंदाजानुसार अपघाती मृत्यू असण्याची शक्यता व्यक्त केली जात आहे. तथापि, अचूक कारण समोर येण्यासाठी मृतदेहाचा शवविच्छेदनासाठी उपजिल्हा रुग्णालयात पाठविण्यात आला आहे. या घटनेने सराफ कुटुंबीयांवर शोककळा पसरली असून, परिसरात हळहळ व्यक्त केली जात आहे. वृत्त लिहेपर्यंत पोलिसांचा तपास सुरू होता.